კარიერის ახალი ეტაპი სტეფანემ SPACEHALL-ში გამართული კონცერტით დაიწყო (ფოტოები)

კარიერის ახალი ეტაპი სტეფანემ SPACEHALL-ში გამართული კონცერტით დაიწყო (ფოტოები)

მუსიკოსმა, მომღერალმა და პროდიუსერმა სტეფანე მღებრიშვილმა 22 აპრილს კონცერტი “spacehall-ის” სივრცეში გამართა.  ქართული სცენის ერთ-ერთმა გამორჩეულმა არტისტმა, რომლის შემოქმედებასაც მსმენელი უკვე 20 წელია იცნობს, საღამოზე შეკრებილ მაყურებელს მისი ძველი და ახალი ჰიტების ცოცხალი შესრულება შესთავაზა. სცენა სტეფანესთან ერთად, მაია დარსმელიძემ, ერეკლე დეისაძემ და ქეთათო ჩარკვიანმა დაიკავეს.  საღამოს დაწყებამდე სტეფანემ ემოციები გაგვიზიარა; “არ ვიცი რა გითხრათ, ამდენ ხალხს, რომ ვუყურებ ძალიან დიდ პასუხისმგებლობას ვგრძნობ, ვეცდები ეს კონცერტი თითოეული ჩვენგანისთვის დაუვიწყარი იყოს”- განაცხადა მუსიკოსმა.

“ჩემთვის ძალიან დიდი პატივია, დღეს ამ სცენაზე დგომა, სტეფანესთან ერთად, რადგან ის ერთ-ერთი საუკეთესო მუსიკოსია საქართველოში, რომელიც გემოვნებიან, ხარისხიან პროდუქტს სთავაზობს მსმენელს. აქ შეკრებილი ხალხის რაოდენობაც, სწორედ ამაზე მეტყველებს” – აღნიშნა ერეკლე დეისაძემ საღამოს დაწყებამდე.  მაია დარსმელიძის თქმით, კი ამ კონცერტმა კიდევ ერთხელ დაამტკიცა, რომ სტეფანე გემოვნებიანი მუსიკოსია. “მე მოველოდი ამდენი ადამიანის ნახვას. ვიცოდი, სტეფანე როგორი მოთხოვნადი მომღერალია, წარმატებები უნდა ვუსურვო. დარწმუნებული ვარ, მომავალშიც არაერთი მაგარი საღამო გველოდება მისგან” – განაცხადა მაია დარსმელიძემ.

სტეფანე მოღვაწეობას 1997 წლიდან იწყებს და თანამედროვე ქართულ პოპ კულტურაში, აქტიურად  შემოაქვს ელექტრონული, პოპ და ფანკ ჟღერადობა. ამ პერიოდიდან დღემდე აქტუალურია მისი სიმღერები “არ მოხვალ ჩემთან”, “მოდუნდი” და “წამოდი”. კომპოზიციები, რომლებიც მაშინ ადგილობრივი სცენისთვის სრულიად ახალი და რადიკალურად განსხვავებული  ჟღერადობის მქონე იყო, მომღერალმა “Spacehall-ში” გამართულ საღამოზე შეასრულა. მონატრებული ჰიტები საღამოზე  შეკრებილმა საზოგადოებამ  სტეფანესთან ერთად იმღერა.

კონცერტზე უამრავმა ადამიანმა მოიყარა თავი, მათ შორის არაერთმა ცნობილმა სახემ. “ დაუვიწყარი კონცერტია, მინდა ეს წარმატება მივულოცო სტეფანეს, ის ძალიან ნიჭიერი ადამიანია და ეს საღამო ამ ყველაფერს კიდევ ერთხელ ამტკიცებს”- განაცხადა სოფო ნიჟარაძემ. “ ძალიან მიყვარს სტეფანეს შემოქმედება. არაჩვეულებრივი საღამოა, ის უაღრესად ნიჭიერი ადამიანია და დარწმუნებული ვარ, მისგან კიდევ არაერთ დიდ კონცერტს უნდა ველოდოთ” – ემოციებს ვერ მალავდა ბახვა ბრეგვაძე.

მომღერალმა სცენიდან არაერთხელ გადაუხადა მადლობა მისი შემოქმედების მოყვარულებს. “არ ვიცი, თავი სიზმარში მგონია, იცოდეთ, რომ ეს საღამო თქვენი დამსახურებაა და რომ არა თქვენ, ეს დღე არ დადგებოდა. ალბათ, მთელ საღამოს მადლობების გადახდაში გავატარებ, რადგან  ძალიან ბედნიერი ვარ” – განაცხადა მუსიკოსმა.

2000-იან წლებში გამოსული სიმღერა “ხელები” რომელსაც სტეფანე მაია დარსმელიძესთან ერთად დუეტში ასრულებს, დღემდე მუსიკოსის ყველაზე მოთხოვნადი და ცნობილი ჰიტია. შესაბამისად, ამ კომპოზიციის შესრულებისას,  მსმენელს ოვაციები არ დაუშურებია.

შეგახსენებთ, რომ სტეფანე პირველი ქართველი მუსიკოსი იყო, რომელიც MTV Europe-ის ჩარტებში მოხვდა და 2010 წელს მონაწილეობა მიიღო პროექტში MTV Live Georgia.

ძველ ჰიტებთან ერთად სტეფანემ, 2017 წლის ჰიტებიც შეასრულა, რომელსაც მსმენელი სულმოუთქმელად ელოდა. მათ შორის იყო, ქავერ ვერსია “ ჩემი აღარა ხარ მორჩა” და ბოლო დროის ყველაზე განხილვადი სიმღერა “დამიბრუნდი”.  მსმენელის აქტიურობისა და ენერგიულობის გამო მომღერალმა კიდევ არაერთხელ გადაუხადა მათ მადლობა.

“სტეფანე რომ შეუდარებელია, მგონი ამ კონცერტმა კიდევ ერთხელ დაამტკიცა. მე ძალიან დიდი ხანია მის შემოქმედებას ვიცნობ და მგონი არ ჩამეთვლება სუბიექტურად თუ ვიტყვი, რომ ის ძალიან მაღალი დონის მუსიკოსია”- გვითხრა რუსკა მაყაშვილმა. საღამოზე ასევე გავესაუბრეთ ნეკა სებისკვერაძეს: “არ ვიცი, როგორ გადმოვცე ჩემი სიმპათიები სტეფანეს მიმართ, შეუდარებელი, უნიჭიერესი და რაც მთავარია, შრომისმოყვარე ადამიანია. ეს კონცერტიც ამ ყველაფერზე კარგად მეტყველებს”

კონცერტი რამდენიმე საათს გაგრძელდა და მუსიკოსს ძალიან გაუჭირდა მსმენელთან დამშვიდობება, თუმცა მომღერლის თაყვანისმცებლებმაც და თავად სტეფანემაც, საღამო იმ იმედით დაასრულეს, რომ მსგავსი კონცერტები წინ კიდევ ბევრი იქნება. მომღერლის ასეთი წარმატება, იმის დამსახურებაცაა, რომ მისი 20 წლიანი შემოქმედება ელექტრონული მუსიკის, პოპის, ბლუზის, დისკოსა და ფანქის ორიგინალური ნაზავია, რომელსაც თან სტეფანეს ინდივიდუალური, განსხვავებული და ორიგინალური იმიჯი ერთვის.

საკვანძო სიტყვები

TOP სიახლეები

როგორ გამოიყურება საცურაო კოსტიუმში სალომე ჭაჭუას უზადო სხეული (ფოტოები)

სალომე ჭაჭუას უნაკლო სხეული აქვს. საკუთარი ფორმების შენარჩუნებას, რასაკვირველია, ცნობილი მოცეკვავე სწორედ ცეკვისა და მუდმივი ვარჯიშის საშუალებით ახერხებს. სალომეს „ფეისბუქ“-გვერდზე შეგიძლიათ ნახოთ ფოტოები, სადაც იოს საცურაო კოსტიუმშია გადაღებული. ალბათ, დაგვეთანხმებით, რომ სალომე უზადოდ გამოიყურება.

თეონა დვალის მეორე ქორწილი და თეა დარჩიას დაუვიწყარი ცეკვა (ვიდეო)

საოპერო შემსრულებელი, ცნობილი სოპრანო თეონა დვალი დაქორწინდა. მისი მეუღლე ჯიაკომო რაკუნიო იტალიელი ბიზნესმენია. წყვილს ორი ქორწილი ჰქონდა, პირველი იტალიაში გადაიხადეს, რომელსაც შედარებით ვიწრო წრე ესწრებოდა, მეორე კი ახლახან მცხეთის ერთ-ერთ რესტორანში შედგა. სოპრანოს მეორე ქორწილს უამრავი ადამიანი დაესწრო, მათ შორის იყვნენ, რასაკვირველია, ცნობილი სახეებიც. ქორწილის ორგანიზატორმა, თაკო დოლაბერიძემ დაწერა: „რამდენიწ ელია გასული ,უკვე ვეღარც ვითვლი, […]

ანუკი არეშიძის ბრენდი მილანის მოდის კვირეულზე – „მადლობა ამხელა სითბოსთვის…“

ანუკი არეშიძემ მილანის მოდის კვირეულზე საკუთარი კოლექცია უკვე მეორედ წარადგინა. „მე და ჩემი მოდელები პრეზენტაციამდე რამდენიმე წუთით ადრე❤️ ყველას დიდი მადლობა ამხელა სითბოსთვის!!! Love Love“, ასეთი წარწერა დაურთო ფოტოს, რომელიც მცირე ხნის წინ „ფეისბუქზე“ იტალიიდან გამოაქვეყნა. მისი კოლექციის პრეზენტაცია 24 სექტემბერს, მილანის „ოთხ სეზონში“ გაიმართა. სასტუმროში, სადაც ჩვენება შედგა, უამრავი სტუმარი მიიწვიეს. ქართული ბრენდი ნელ-ნელა […]

Facebook

რეკლამა

მსგავსი სიახლეები

სტეფანე მღებრიშვილი ახალ სიმღერას წერს

სტეფანე მღებრიშვილი „ბრავო რეკორდსში“ მუსიკოსებთან, ზაზა ცერცვაძესთან, პაატა ანდრიაძესთან, ლევან დეისაძესა და უჩა მეტრეველთან ერთად ახალ სიმღერაზე მუშაობს, ტექსტიც და მელოდიაც მომღერალს ეკუთნის. ზაზა შენგელიამ სტუდიაში მუშაობის ამსახველი რამდენიმე ფოტოც გამოაქვეყნა. შეგახსენებთ, რომ ეს წელი ძალიან აქტიური იყო სტეფანესთვის, რომელმაც ორი ვიდეო გამოუშვა და სამი ახალი სიმღერა, მათ შორის ორი საკუთარი და ერთიც მამუკა ჩარკვიანის […]

რისთვის იქებს თავს სტეფანე – „მასთან აღარ ვთანამშრომლობ, მაგრამ ეს წარმატება ძალიან მსიამოვნებს…“

სტეფანე მღებრიშვილი სოციალურ ქსელში აქვეყნებს ცნობილი აზერბაიჯანელი შემსრულებლის, აიგიუნ კაზიმოვას ახალ ვიდეორგოლს. სტეფანე წერს, რომ სიმღერა აიგიუნს მან დაუწერა და ამ დრომდე ის მისი პროდიუსერიც იყო. თუმცა დღეს მასთან აღარ მუშაობს, ძალიან ახარებს კლიპის წარმატება. „აზერბაიჯანშიც ტრენდში პირველები ვართ, დადებისთანავე, 24 საათში 125 000 ნახვა და კრიტიკოსები წერენ, აიგუნის ძალიან მაგარი დაბრუნებაო… როგორც პროდიუსერი, ვარწმუნებდი, […]

„ოქროს ტალღა“ „იქს ფაქტორს“, როგორც საუკეთესო ტელეპროექტს – სანდრო კურცხალიძე პროექტის გამარჯვებულია!..

სამთვიანი მუსიკალური მარათონი ახალბედა შემსრულებლებისა და ცნობილი მენტორების მონაწილეობით დასრულდა. 3 ივლისს დაძაბული კონკურენციის პირობებში „იქს ფაქტორის“ გამარჯვებული გამოვლინდა – სანდრო კურცხალიძე, რომელმაც შესული 195 409 ხმიდან 57, 72% მიიღო. მისმა მენტორმა, სოფო ნიჟარაძემ, რომელსაც აღელვებისგან მთელი ღამე თვალი არ მოუხუჭავს, დღეს დილას ასეთი სტატუსი გამოაქვეყნა: „დილა მშვიდობისა საქართველო, თუმცა ჩემთვის არც დაღამებულა, თავზე დამათენდა, […]

„იქს ფაქტორი“ „ოქროს ტალღაზე“ სოფო ნიჟარაძისა და სტეფანეს გამარჯვებას აღნიშნავს

მოგეხსენებათ, 20 ივნისს მთაწმინდის პარკში რადიოჰოლფინგ „ფორტუნას“ ორგანიზებით, უკვე მეოთხედ გაიმართა „ოქროს ტალღა“, წლის სიმღერის დაჯილდოვება. საუკეთესო შემსრულებელ ქალად სოფო ნიჟარაძე დასახელდა, ხოლო სტეფანემ ორი ჯილდო მიიღო, ის გახდა რადიო „ფორტუნას“ რჩეული და ასევე მთავარი პრიზის მფლობელიც, წლის სიმღერის ტიტული მის კომპოზიციას „დამიბრუნდი“ ერგო და მას რადიოჰოლდინგ „ფორტუნასგან“ 5000-ლარიანი ჯილდო გადაეცა. „იქს ფაქტორის“ ოფიციალურმა „ფეისბუქ“-გვერდმა […]

XIU XIU 28 მაისს „Spacehall“-ის სცენას დაიკავებს

ამერიკელი მუსიკოსისა და მულტიინსტრუმენტალისტის, ჯეიმი სტიუარტის პროექტი XIU XIU 28 მაისს საკონცერტო დარბაზში Spacehall კონცერტს გამართავს. XIU XIU 2001 წელს ჯეიმი სტიუარტმა დააარსა. როგორც თავად ავტორი ამბობს, მის მუსიკაზე გავლენა ყველა იმ უბედურებამ მოახდინა, რაც თავს გადახდენია. ინსპირაციიდან გამომდინარე კი სრულიად ლოგიკურია, რომ კოლექტივის შემოქმედება მძიმე და ტრაგიკული ჟღერადობისაა. როკი, ალტერნატივა, ჰაუსი, კლასიკური მუსიკა, ფოლკი, […]

რეკლამა