„იავნანას“ 14 წლის იუბილე და საქველმოქმედო საღამო ქართველი ვარსკვლავების მონაწილეობით

„იავნანას“ 14 წლის იუბილე და საქველმოქმედო საღამო ქართველი ვარსკვლავების მონაწილეობით

ანიტა რაჭველიშვილი, თამარ ივერი, ნანი ბრეგვაძე, „სუხიშვილები“, ეკა მამალაძე, ნინო ქათამაძე, ნიკოლოზ რაჭველი, გიგი გეგელაშვილი და „სინათლის წელიწადი“, თეა დარჩია, ზაზა მარჯანიშვილი, ნატო მეტონიძე, ვახტანგ მაჭავარიანი, ნიკოლოზ რაჭველი და ეროვნული სიმფონიური ორკესტრი, „იავნანას“ 14 წლის იუბილეს აღსანიშნავად და კიდევ ერთი საქველმოქმედო საღამოს გასამართად შეიკრიბნენ. თბილისის დიდ საკონცერტო დარბაზში, 3 მარტს, დედის დღეს, ტელემარათონი გაიმართა, რომელიც „რუსთავი 2“-ის ეთერით გადაიცემოდა და სადაც ისევ აქტუალური გახდა „იავნანას“ უცვლელი ტელეფონის ნომერი 09 01 30 30 30.

უკვე 14 წელია, საქველმოქმედო ფონდი არაერთ ღონისძიებას მართავს საქველმოქმედო მიზნით და ეხმარება როგორც სოციალურად შეჭირვებულ ოჯახებს, ასევე სტუდენტებს, რომელთაც არ აქვთ საშუალება, თავად დააფინანსონ საკუთარი სწავლა-განათლება.

„იავნანას“ ეგიდით, რომელიც მსოფლიოში სახელგანთქმულმა საოპერო შემსრულებელმა, პაატა ბურჭულაძემ დააარსა, ამჯერად მაყურებლის ყურადღება აუტიზმის ცენტრისა და ნინო ჟვანიას საქველმოქმედო ფონდისკენ „პირველი ნაბიჯი“ მიმართეს. საღამოს განმავლობაში ვიხილეთ ინტერვიუები აუტიზმის ნიშნების მქონე მოზარდებისა თუ ზრდასრული ადამიანების მშობლებთან, რომლებიც ცენტრის მნიშვნელობაზე საუბრობდნენ, ასევე კიდევ ერთხელ დავრწმუნდით, როგორი მნიშვნელოვანია „პირველი ნაბიჯის“ მხარდაჭერა, რომელიც უკვე 20 წელია ფუნქციონირებს…

„იავნანას“ 14 წლის იუბილე მიულოცეს ქართველმა თუ უცხოელმა ვარსკვლავებმა, ზოგმა ვიდეომიმართვის საშუალებით, ზოგმაც – პირადად.  მათ შორის იყვნენ: ქეთი მელუა, ნინო მაჩაიძე, გიორგი გაგნიძე, მიშელ კრაიდერი, ოთარ ჯორჯიკია, მარკო ბერტი, ევგენი კისინი, ატილიო ტომასელო.

მარკო ბერტი:

„პაატა ბურჭულაძის ფონდ „იავნანას“და ჩემს ყველა მეგობარს საქართველოში მინდა მივულოცო ეს თარიღი და გადავცე ჩემი გულწრფელი, მეგობრული და გულითადი სურვილები.

დიდი ნოსტალგიით ვიხსენებ თქვენთან ერთად საქართველოში – შესანიშნავ, ფანტასტიკურ ქვეყანაში გატარებულ დროს. ამ არაჩვეულებრივ მოგონებებს მუდმივად გულში დავატარებ და ხშირად მახსენდება ერთი ქართული სიტყვა, რომელსაც კონცერტის დროს წარმოვთქვამდით: „ოცდაათი, ოცდაათი“! შესანიშნავი იყო! გეხვევით ყველას, ჩემო ძმებო და მეგობრებო საუკეთესო სურვილებით! ყოველივე საუკეთესოს ვუსურვებ ფონდ „იავნანას“ და პაატას!”

მიშელ კრაიდერი:

„საღამო მშვიდობისა საქართველო!!! ჩემთვის დიდი პატივია, მივულოცო ფონდს „იავნანა“ 14 წლის მოღვაწეობა, ვულოცავ პაატას და მის გუნდს. „იავნანა“ საოცარ საქმეს აკეთებს: აერთიანებს ოჯახებს და ბავშვებს აბრუნებს ოჯახებში, უქმნის მათ თბილ და მყუდრო გარემოს. მე დიდი მოგონებები მაქვს შემორჩენილი იმ დროზე, რაც საქართველოში გავატარე.

არასდროს დამავიწყდება ის სტუმართმოყვარეობა, რაც ჩემ მიმართ გამოიჩინეთ. დიდი მადლობა, რომ საშუალება მაქვს, „იავნანას“ 14 წლის მოღვაწეობის აღსანიშნავ დღესასწაულში მივიღო მონაწილეობა. კიდევ ერთხელ გილოცავთ და გისურვებთ კეთილდღეობას“.

ღონისძიების წამყვანებმა გაიხსენეს და ჟურნალისტებმა სხვადასხვა ჩართვაში შეგვახსენეს, რა მიზნით დაიხარჯა ის თანხები, რომელთა მობილიზებაც ამ 14 წლის განმავლობაში საქველმოქმედო ფონდმა შეძლო.

ყველა შემსრულებელმა, რომელიც სცენაზე გამოვიდა, „იავნანას“ შესახებ მოკლე ისაუბრა. გთავაზობთ რამდენიმე ვარსკვლავის კომენტარს.

ანიტა რაჭველიშვილი:

„ჩვენ დღეს შევიკრიბეთ ძალიან მნიშვნელოვანი მიზეზის გამო – ეს  არის ქველმოქმედება, მაგრამ ეს არ არის ერთადერთი მიზეზი, რის გამოც დღეს ყველა ხელოვანი ერთად ვართ ამ არაჩვეულებრივ სცენაზე. მთავარი მიზეზი,  რის გამოც აქ მოვედით იყო ის, რომ გვეთქვა,-  საკმარისია!!! უსამართლოდ, უდანაშაულო ადამიანების დევნა, საკმარისია ცილისწამება და ტყუილი, საკმარისია სიძულვილის დანერგვა ქართველებში!!!  მე გისურვებთ სიყვარულს, გისურვებთ უზარმაზარ სიყვარულს, მხოლოდ სიყვარული გადაგვარჩენს!!! ”

(ვრცლად/ფოტოები)

სიახლეები/

|

March 5, 2018 / 4:38 pm

TOP სიახლეები

ბექა ბროლაძემ ახალი კლიპი წყალქვეშ გადაიღო

მომღერალი ბექა ბროლაძე ახალ კლიპზე მუშაობს, რომლის გადაღებებიც წყალქვეშაც მიმდინარეობს და სხვა ლოკაციებზეც. ახალი სიმღერა მაიკო კაჭკაჭიშვილსა და რეპერ ძვალს ეკუთვნით. ბექა სიმღერასა და კლიპზე გვესაუბრა. „მაიკო კაჭკაჭიშვილის და ძვალის ( აჩი ვანიშვილის ) ერთობლივი ნამუშევარზე ვიღებ კლიპს, ტექსტის ავტორი მაიკოა, არანჟირება ეკუთვნის ძვალს, მასტერინგი კობა მესხიას. კლიპი სამ ლოკაციოაზე გადავიღეთ, ერთ-ერთი გადაღება კი წყალქვეშ […]

როგორი ბაბუაა მამულიჩა

პროდიუსერი კახა მამულაშვილი, მამულიჩა, მცირე ხნის წინ ბაბუა გახდა. მისი ვაჟის, ნიკუშას შვილი, ალექსანდრე 9 აგვისტოს დაიბადა. როგორც მამულიჩამ გვითხრა, არ უნდოდა, რომ მას კახი რქმეოდა. თავს ახალგაზრდა ბაბუად მიიჩნევს და მეგობრის, ლაშა ბასლანძის ხუმრობას, რომელმაც მას ბაბულიჩა შეარქვა, ღიმილით უყურებს. კახი მამულაშვილი: დიდი მადლობა მოლოცვისთვის. ბათუმში ვიყავი, როცა ალექსანდრე დაიბადა. დილის ექვსზე დაიბადა, დამირეკეს […]

დათო აბზიანიძე: „ეს ანდერგრაუნდ ელიტა გვეშაირება, თითქოს 26 მაისს და ომის 10 წლისთავზე რუსებთან ჩასვლა იქაური სისტემის ნგრევაა…“

ბლოგერი დათო აბზიანიძე, რომელიც „ბასიანის“ აქტიური დამცველი გახლდათ, კლუბის მიერ მოსკოვში დაგეგმილ ივენთზე მონაწილეობის გამო, მის მოწინააღმდეგედ გადაიქცა და სოციალურ ქსელში არაერთი მწარ შენიშნითაც გამოვიდა კლუბის მისამართით, რის გამოც ის „ბასიანის“ დახუული ჯგუფიდან გამოაძევეს და არც კლუბში შეუშვეს, მას ვერიფიკაცია გაუუქმეს. დათო აბზიანიძე წერს: როგორც აღმოჩნდა, მაჭახელასა და სოფლის დუქნებზე დაცინვა მაგარი იოლი პონტია, დინამოს […]

Facebook

რეკლამა

მსგავსი სიახლეები

ანიტა რაჭველიშვილის ფოტო პარიზის ოპერის თეატრს ამშვენებს

ანიტა რაჭველიშვილის ფოტო პარიზის ახალი ოპერის ფასადზე – ნიკოლოზ რაჭველი თავისი საყვარელი მეგობრის შესახებ წერს. მისი თქმით, ქართველი მეცოსოპრანო მთელ მსოფლიოში ცნობილი და აღიარებულია, მაგრამ მისთვის მუდმივი საფიქრალი საკუთარი ქვეყანაა. რაჭველი აღნიშნავს, რომ ანიტა რაჭველიშვილმა დღემდე ყველაზე დიდ კომპანიებზე მეტი შემოწირულობა გაიღო ეროვნული ორკესტრის მუსიკოსისთვის, რომელსაც ჯანმრთელობის სერიოზული პრობლემა შეექმნა. ნიკოლოზ რაჭველი წერს: „ეს პარიზის […]

ანიტა რაჭველიშვილმა არჩილ ტატუნაშვილის ხსოვნის პატივსაცემად ჰიმნი შეასრულა (ვიდეო)

ცნობილმა ქართველმა მეცოსოპრანომ, ანიტა რაჭველიშვილმა, სოციალურ ქსელში გამოაქვეყნა ვიდეო, სადაც ის საქართველოს ჰიმნს ასრულებს. ანიტა აღნიშნავს, რომ ეს შესრულება ქართველ გმირს, არჩილ ტატუნაშვილს ეძღვნება. მომღერალი წერს, რომ ქართველი ჯარისკაცი სამხრეთ ოსეთის დეფაქტო რესპუბლიკაში აწამეს და მოკლეს – „დებო და ძმებო, გავერთიანდეთ, ეძღვნება არჩილ ტატუნაშვილის ხსოვნას“, აღნიშნულია მის სტატუსში.

„ვოგი“ ანიტა რაჭველიშვილის შესახებ: „ის სამუდამოდ იბეჭდება მეხსიერებაში!..“

„ნიუ იორკ ტაიმსის“ შემდეგ „მეტროპოლიტენ ოპერაში“ „ტრუბადურის“ წარმოდგენას „ვოგი“ ეხმიანება. ვრცელ მიმოხილვაში, ისევე, როგორც „ნიუ იორკ ტაიმსი“, კიდევ ერთი პოპულარული გამოცემაც განსაკუთრებულ ქებას უძღვნის აზუჩენას როლის შემსრულებელ ქართველ მეცოსოპრანოს. გთავაზობთ ამონარიდს სტატიიდან, სადაც მისი ავტორი ანიტა რაჭველიშვილის ბრწყინვალე გამოსვლაზე აკეთებს აქცენტს. „ვოგი“ წერს: „რთულია, წარმატებით შეასრულო მანიპულატორი აზუჩენას როლი, მაგრამ მაკვიკარის დადგმაში სრულიად გამაოგნებელი, თვალებბრიალა […]

„ნიუ იორკ ტაიმსი“ ანიტა რაჭველიშვილს ხოტბას ასხამს – „მაყურებელს სისხლი გაუყინა…“

„ნიუ იორკ ტაიმსი“ ქართველი მეცოსოპრანოს, ანიტა რაჭველიშვილის შესახებ სტატიას აქვეყნებს. როგორც წერილშია აღნიშნული, „მეტროპოლიტენ ოპერის“ სცენაზე „ტრუბადურში“ აზუჩენას როლის შესრულებისას, ქართველმა საოპერო მომღერალმა მაყურებელს სისხლი გაუყინა. გთავაზობთ ამონარიდს ცნობილი ამერიკული გამოცემიდან. „ქართველმა ვარსკვლავმა ვერდის „ტრუბადური“ აქამდე არნახული გრძნობებით გააცოცხლა. ყველაზე ეპიკური და მშფოთვარე პიესა, რომელმაც ესპანელ დრამატურგს ანტონიო გარსია გუტიერესს ნამდვილი დიდება მოუტანა, ოპერის სცენაზე […]

ანიტა რაჭველიშვილის მასშტაბური კონცერტი პიაცაზე 23 აგვისტოს გაიმართება

მსოფლიოში ცნობილი ქართველი საოპერო შემსრულებლის, მეცოსოპრანო ანიტა რაჭველიშვილის კონცერტი ევგენი მიქელაძის სახელობის ეროვნულ სიმფონიურ ორკესტრთან ერთად ბათუმში, პიაცაზე, 23 აგვისტოს გაიმართება. კონცერტის წარმდგენები არიან აჭარის მთავრობა და დეველოპერული კომპანია „რედკო“. ორკესტრს ნიკოლოზ რაჭველი უდირიჟორებს. პროექტის სახელწოდებაა „მუსიკა გვაერთიანებს“, ეს სახელწოდება თემატურია, ვინაიდან ღონისძიებაზე განსხვავებულ ჟანრთა სინთეზი გველის. კონცერტის მონაწილე ასევე იქნება იტალიური პროგრესული როკ-ჯგუფი „Profusion“. […]

რეკლამა