გრეგორი პორტერისა და ეროვნული სიმფონიური ორკესტრის საახალწლო კონცერტი დღეს იმართება

გრეგორი პორტერისა და ეროვნული სიმფონიური ორკესტრის საახალწლო კონცერტი დღეს იმართება

SOLO  და Eastern Promotions, 12 იანვარს, 20:00 საათზე თბილისის საკონცერტო დარბაზში წარმოგიდგენთ გრემის ჯილდოს ორგზის მფლობელი ამერიკელი ჯაზ-ვოკალისტის, გრეგორი პორტერისა და ევგენი მიქელაძის სახელობის საქართველოს ეროვნული სიმფონიური ორკესტრის საახალწლო კონცერტს.

მსოფლიოში ერთ-ერთი საუკეთესო ჯაზვოკალისტი გრეგორი პორტერი, საკუთარ კვინტეტთან და საქართველოს ეროვნულ სიმფონიურ ორკესტრთან ერთად შეასრულებს სიმღერებს ბოლო ალბომიდან „Nat King Cole & Me“. ალბომში შესულია გრეგორი პორტერის კუმირის – ლეგენდარული ამერიკელი ვოკალისტისა და ჯაზ-პიანისტის ნეტ კინგ კოულის ჰიტები.

გრეგორი პორტერის უახლესი ალბომი „Nat King Cole & Me“, 2017 წლის 27 ოქტომბერს გამოვიდა. მუსიკოსმა თავისი ბოლო ნამუშევარი ლეგენდარულ მომღერალსა და პიანისტს ნეტ კინგ კოულს მიუძღვნა. პორტერთან ერთად, ალბომზე მუშაობდნენ  ლონდონის სტუდიური ორკესტრი, პიანისტი კრისტიან სენდსი, ბასისტი რუბენ როჯერსი და დრამერი ულისე ოუენსი. აღსანიშნავია, რომ ალბომში შესული სიმღერების არანჟირების ავტორი გრემის 6 ჯილდოს მფლობელი ვინს მენდოზაა.

დისკი აერთიანებს გრეგორი პორტერის მიერ შესრულებულ ნეტ კინგ კოულის ისეთი ლეგენდარულ სიმღერებს, როგორებიცაა “Mona Lisa,” “L-O-V-E,” “Nature Boy,” “The Christmas Song,” “Smile” და სხვა.

სიახლეები/

|

January 12, 2018 / 1:27 pm

TOP სიახლეები

Facebook

რეკლამა

მსგავსი სიახლეები

„ოქროს ტალღის“ დაჯილდოვება – ნიკოლოზ რაჭველი, სიმფონიური ორკესტრი და სპეციალური სტუმარი

„ოქროს ტალღა“ 2018 26 ივნისს, თბილისის დიდ საკონცერტო დარბაზში გაიმართება. ქვეყნის ყველაზე მნიშვნელოვანი მუსიკალური დაჯილდოვება წელს მეხუთედ იმართება, შესაბამისად, ხუთი წლის იუბილეს აღნიშნავს, რადიოჰოლდინგი „ფორტუნა“ ასევე იუბილარია და ამ სფეროში ლიდერობის 20-წლიან იუბილეს ზეიმობს. გამარჯვებულები სხვადასხვა ნომინაციაში 17 კატეგორიაში დასახელდებიან, მათგან ერთ ნომინაციას, ხალხის რჩეულს ინტერნეტგამოკითხვა გამოავლენს, რომელიც უკვე დაწყებულია საიტზე goldenwave.ge. წლის სიმღერის კატეგორიაში […]

გრეგორი პორტერის სამი ბისი და საახალწლო ღონისძიება ეროვნულ სიმფონიურ ორკესტრთან ერთად

ამერიკელი ჯაზშემსრულებელი, ორი „გრემის“ მფლობელი, გრეგორი პორტერი საქართველოს მეორედ ეწვია. ჯაზფესტივალის შემდეგ, ამჯერად თავის ბენდთან ერთად, „სოლოს“ მოწვევით და „ისთერნ ფრომოუშენსის“ ორგანიზებით, კვლავ თბილისის დიდ საკონცერტო დარბაზში გამართა კონცერტი, საქართველოს ეროვნულ სიმფონიურ ორკესტრთან და მაესტრო ნიკოლოზ რაჭველთან ერთად. გრეგორი პორტერმა სცენაზე გამოსვლისას აღნიშნა, – საქართველოში ჩამოსვლის წინ აფრთხილებდნენ, რომ ამ ქვეყანაში ყველა მღერის. მომღერალი დაგვპირდა, […]

რეკლამა