გოგა ხაჩიძე: “მე არ ვმონაწილეობ “სახე20-ში” და ამით, იმ “სახე-ს” გადარჩენასაც შევუწყობ ხელს”

გოგა ხაჩიძე: “მე არ ვმონაწილეობ “სახე20-ში” და ამით, იმ “სახე-ს” გადარჩენასაც შევუწყობ ხელს”

გოგა ხაჩიძე, ჯგუფის საიუბილეო კონცერტთან დაკავშირებით საუბრობს და იმ მიზეზებს განმარტავს, რის გამოც მან კონცერტში მონაწილეობაზე უარი თქვა:

“საერთოდ ვფიქრობდი არაფერი მეთქვა ამ ამბავზე, მაგრამ ბევრი მეკითხება და შევეცდები ჩემი პოზიცია ნაწილობრივ ავხსნა…

ნ ა წ ი ლ ო ბ რ ი ვ . . .

მესმის, ცოტა რთული ასახსნელია, მაგრამ “სახე” ჩემთვის ის მუსიკაა, ის ეპოქა, ის კონტექსტი, ის ქვეყანა და ის რეალობა, რომელიც იყო. არ მიმაჩნია სწორად, ახლა ხელოვნურად შევიკრიბოთ და მსმენელს ათასჯერ გადამღერებული, გადაკეთებულ/გადმოკეთებული სიმღერები, ისევ ერთად ვუმღეროთ. და როგორ უნდა ვუმღეროთ?…

მარტო სიმღერაც ხომ არაა…

რას გამოვასხივებთ?

-არ ვიცი.

გულწრფელები ვიქნებით სცენაზე?

-ვერა.

თავის დროზე, “სახე” ერთი მთლიანი იყო.

საერთო საქმე და ცხოვრება გვქონდა, ერთად ვფიქრობდით, ერთად ვგეგმავდით, ერთად ვათენებდით ღამეებს სტუდიაში, ერთად ვიხარშებოდით მურტალი ეპოქის ყოველდღიურობაში. ახლა, ჩვენ-ჩვენი ცხოვრება გვაქვს, ჩვენ-ჩვენი საკმაოდ განსხვავებული პრინციპები, ხედვები და მიზნები (მათ შორის მუსიკაშიც) ისიც მესმის, რომ უამრავი მსმენელი მიიღებს სიამოვნებას წარსულის გახსენებით, ძველი სიმღერების მოსმენით. ბევრიც ჩემზე გაბრაზდება, როგორც დისონანსის შემომტანზე ამ “ჰარმონიაში”. არაა  პრობლემა, მესმის ნებისმიერ შემთხვევაში წარმატებას ვუსურვებ კაცებს (ბიჭებს მეთქი მინდოდა მეთქვა, მაგრამ ჰა…) მე არ ვმონაწილეობ “სახე20” -ში და ამით, იმ “სახე-ს” გადარჩენასაც შევუწყობ ხელს მეხსიერებაში, მთელი თაობისთვის ერთ-ერთი ნათელი წერტილი, ბედნიერების და აღტაცების მომტანი რომ იყო.

p.s. ბევრი წლის ინტერვალის შემდეგ, ჩემი შვილი პირველად რომ წავიყვანე ცირკში, მთელი წარმოდგენა გაოცებული ვაცეცებდი თვალებს და საკუთარ თავს ვეკითხებოდი: ეს ხომ ნამდვილად ის შენობაა, ბავშვობაში მშობლებს რომ მოვყავდი და აღტაცებული ვიყავი მისი გრანდიოზულობით და სილამაზით?!… რა დაემართა, როგორ დაპატარავდა ასე?!… ყველაფერს თავის დრო აქვს”- წერს გოგა ხაჩიძე.

სიახლეები/

|

April 25, 2017 / 12:32 pm

საკვანძო სიტყვები

TOP სიახლეები

ანრი ჯოხაძის ახალ კლიპში შორენა ბეგაშვილი საპატარძლო კაბით გამოჩნდა (ვიდეო)

ანრი ჯოხაძე საზოგადოებას მალე ახალ კლიპს წარუდგენს. მასში ცნობილი სახეები მონაწილეობენ, მათ შორის შორენა ბეგაშვილი საპატარძლო კაბაში, მსახიობი თაკო აბაშიძე, მომღერალი თაკო გაჩეჩილაძე და სხვები. „მრავალი წელია, არ ამიწყვეტია. მალე ახალი კლიპი“ – გააზიარა ვიდეოდან ამონარიდი ანრი ჯოხაძემ. კლიპიდან ამონარიდს საკმაოდ დიდი გამოხმაურება მოჰყვა სოციალურ ქსელში. ანრის ახალ ნამუშევარს მისი თაყვანისმცემლები მოუთმენლად ელიან. (ვიდეო)

აჩი ფურცელაძემ და სალომე გოგიაშვილმა საზაფხულო ჰიტი ჩაწერეს (ვიდეო)

აჩი ფურცელაძე და სალომე გოგიაშვილი ჩელენტანოს ძველი სიმღერის ქართული ვერსიის ახლებურ ვარიანტზე მუშაობენ. არანჟირების ავტორი დავით უგრეხელიძეა. როგორც გახსოვთ, ეს სიმღერა, რომლის სახელწოდებაა „რომ არ მოგეფერო“, წლების წინ აჩი ფურცელაძემ და ქეთა თოფურიამ ჩაწერეს. აჩიმ და სალომემ ვიდეო გამოაქვეყნეს, სადაც საუბრობენ, რომ ამ სიმღერის საცეკვაო ვერსიას მალე მოვისმენთ და ახალი საზაფხულო ჰიტი გველოდება. (ვიდეო)

„Soho“ ბათუმში ნინი ბადურაშვილის კონცერტს გეგმავს

ბათუმში მდებარე პოპულარულ კლუბში „Soho“ ნინი ბადურაშვილის კონცერტი იგეგმება. 21 ივლისს მომღერალი მსმენელის წინაშე ბენდ „Non-Stop“-თან ერთად წარდგება. ჯგუფთან ერთად ნინიმ ახალი ლაივ-პროგრამა გააკეთა. მას ბექვოკალისტებიც უმშვენებენ გვერდს. ნინიმ თავისი რეპერტუარის პრეზენტაცია, სადაც ქართული და უცხოური ჰიტები შედის, მცირე ხნის წინ თბილისში გააკეთა. ნინიმ თავად დააანონსა 21 ივლისის კონცერტი და აღნიშნა, რომ კლუბში მოსულ მსმენელს […]

Facebook

რეკლამა

[bsa_pro_ad_space id=1]

რეკლამა