ნანუკა ჟორჟოლიანის შოუს მსახიობი გიორგი გოგიჩაიშვილი ესტუმრა უფროს ქალიშვილთან, ნანუკასთან ერთად. მამა-შვილმა თავის ურთიერთობაზე საინტერესოდ ისაუბრა. გიორგი გოგიჩაიშვილს გარკვეული პერიოდის წინ სიმსივნის დიაგნოზი დაუსვეს და მან ქიმიოთერაპია ჩაიტარა. ამ თემაზე საუბრისას მსახიობმა აღნიშნა:
„… როდესაც პირველი ქიმია გამიკეთეს, ექიმები მადგნენ თავზე და მითხრეს, გვითხარი, ცხრა წუთში როგორ იქნებიო. გავიდა ეს ცხრა წუთი და რომ მკითხეს, ვუთხარი, კარგად ვარ-მეთქი. ამის შემდეგ ჩვეულებრივად გადავიტანე ყველაფერი. მე იქ ცუდად გავხდი, მაგრამ რომ მეთქვა, ვაიმე, ეს რა საშინელებაა, ცუდად ვიქნებოდი“.