გიორგი გაბუნია და სოფო ნიჟარაძე დიდი ხნის მეგობრები არიან და ერთმანეთთან საკმაოდ შეხუმრებულებიც. გუშინდელი მხოლოდ „ქართულის“ ლაივი ამ მხრივ გამორჩეული გამოდგა.
„ახლა აღმოვაჩინე, რომ ჯერ კიდევ როდის ვმღეროდი ქართულს. მე სხვათა შორის, არათუ ვმღერი ქართულს ამ კონკურსიდან გამომდინარე, არამედ ჩემი ვერსიებიც მაქვს. ახლა ვიმღერო?“, იკითხა გიორგიმ და წაიმღერა „მე ვარ ერთი ციდა, მე სიცილი მინდა“, თუმცა ამ სიმღერისთვის დამახასიათებელი სიცილის ნაცვლად, მიშა სააკაშვილის მსგავსად გაიცინა და სოფო ნიჟარაძეს უთხრა: „სოფო, შენ გამიგებ ყველაზე კარგად…“
გიორგის ამ ხუმრობაზე ჟიურისც და წამყვანებიც ცოტა დაიბნენ. ნანუკა ჟორჟოლიანმა აღნიშნა, რომ ცოტა თავბრუ დაეხვა…