თბილისის მე-10 საერთაშორისო სტუდენტური კინოფესტივალი გაიხსნა. საღამოზე DJ-ს მიერ სპეციალურად შექმნილი კინომუსიკის სეტის ფონზე, წარმოდგენილი იყო ღონისძიების სიახლეები, ასევე გაიმართა ცნობილი ქართველი რეჟისორის, გიორგი ოვაშვილის სტუდენტური/სადიპლომო ნაშრომის „ვაგონეტი“ ჩვენება. თუმცა მანამდე, ფესტივალის მესვეურებმა და სტუმრებმა შეკრებილ საზოგადოებას ფესტივალის მნიშვნელობასა და სამომავლო გეგმებზე ესაუბრნენ.