მუსიკისა და გართობის მოყვარულთათვის, წლევანდელი ზაფხული სიურპრიზებით სავსე აღმოჩნდა. ფესტივალი, რომელსაც ქართველი მელომანები წლიდან წლამდე ელოდებიან, ყველაზე მასშტაბური და ფერადი იქნება. შავი ზღვის რიგით მეთერთმეტე ჯაზ-ფესტივალი ახლოვდება, რომლის მთავარი შემსრულებელიც, ყველასათვის საყვარელი ბრიტანული ბენდი “ჯემიროქუაი” იქნება. ბენდი 1992 წლიდან ფანკისა და ეისიდ ჯაზის ერთ-ერთ საუკეთესო შემსრულებლად ითვლება და საქართველოშიც საოცარი პოპულარობით სარგებლობს.