დღესასწაულმა, რომელიც არაერთ ქვეყანაში წლებია აღინიშნება, ფეხი საქართველოშიც მოიკიდა. ეს დღე ყველა მამისთვის განსაკუთრებული და სასიხარულოა, თუნდაც იმიტომ, რომ სკოლებსა და საბავშვო ბაღებში სპეციალურ შოუებს მართავენ, სადაც პატარები მამიკოებს უმღერიან, ლექსებს უკითხავენ და სპეკტაკლებს დგამენ. მამების დღეს უკვე ჩვენი საზოგადოებაც არაერთი ღონისძიებით, სხვადასხვა გასართობი აქტივობითა და თემატური წვეულებებით აღნიშნავს. მსოფლიოში ერთ-ერთმა ყველაზე მსხვილმა ამერიკულმა რესტორნების ქსელმა, “ვენდისმა” კი მამებისა და შვილებისთვის ნამდვილი წვეულება მოაწყო, სადაც უამრავმა ადამიანმა მოიყარა თავი.