რადიოჰოლდინგმა „ფორტუნამ“ და კინოთეატრმა „ამირანმა“ კოჯრის შეზღუდული შესაძლებლობების მქონე ბავშვთა სახლის აღსაზრდელებსა და საქველმოქმედო ფონდ „საქართველოს კარიტასის“ ბენეფიციარ ბავშებს უმასპინძლეს. წინასაახალწლოდ ბავშებმა ფილმი „მაკნატუნა ოთხი სამეფო“ იხილეს, რომელიც ერნსტ თეოდორ ჰოფმანის კლასიკური საშობაო ზღაპრის მიხედვით დისნეის დაკვეთით არის გადაღებული. მთავარ როლს 18 წლის ამერიკელი მსახიობი მაკენზი ფოი ასრულებს, რომელსაც პარტნიორობას ისეთი ვარსკვლავები უწევენ, როგორებიც არიან: კირა ნაითლი, მორგან ფრიმენი და ჰელენ მირენი.