პროექტი „მხოლოდ ქართული“ წარმატებით დასრულდა

პროექტი „მხოლოდ ქართული“ წარმატებით დასრულდა

რუსთაველის თეატრის დიდი სცენა, ქართული მუსიკა და 10 მონაწილე. პროექტი „მხოლოდ ქართულის“ ისტორიის წერა სწორედ ასე დაიწყო. ჟიურის წევრებმა ჯერ საქართველოს ყველა დიდი ქალაქი მოიარეს, შემდეგ საუკეთესო მონაწილეები შეარჩიეს და ერთად შეკრიბეს. უპრეცედენტო პროექტიც, რომელსაც ჩვენს რეალობაში ანალოგი არ ჰყავს, ამგვარად გახდა მასშტაბური და ფართო მასისთვის ერთ-ერთი საყვარელი პროექტი. „მხოლოდ ქართულის“ სცენაზე არაერთი ლეგენდარული ქართველი ბუმბერაზი კომპოზიტორის სიმღერები შესრულდა. არ შეიძლება არ აღინიშნოს, რომ მონაწილეები დავალებებს თავს საკმაოდ კარგად ართმევდნენ და მსმენელის წინაშე მუდმივად ღირსეულად წარსდგებოდნენ ხოლმე, თუმცა, ხომ გაგიგიათ მჯობზე მჯობი არ დაილევაო, სწორედ ამ პრინციპით, ფინალურ შოუზე მაყურებელმა პროექტის 4 გამორჩეული მონაწილე: კონსტანტინე კარანაძე, საბა კემულარია, სოფო ბათილაშვილი და ალექსანდრე მრელაშვილი იხილა. კონკურსანტებმა ფინალურ შოუზე 3 სიმღერა შეასრულეს, თუმცა ფინალური შოუ ყველაზე წარმატებული ერთადერთი დარჩენილი გოგონა კონკურსანტისთვის, სოფო ბათილაშვილისთვის აღმოჩნდა, რადგან სწორედ მან მოიპოვა გამარჯვება. ის არა მხოლოდ გამარჯვებული, არამედ რადიო ჰოლდინგ “ფორტუნას”, რომელიც პროექტის რადიო მხარდამჭერი გახლდათ, რჩეულიც გახდა. სოფოს კი ჰოლდინგმა საოცარი სიურპრიზი მოუწყო და საჩუქრად ორკაციანი საგზური გადასცა, არც მეტი და არც ნაკლები, ბიონსესა და ჯეიზის ტურნეზე, ეს კი ნიშნავს იმას, რომ სოფო ბათილაშვილი ქ. ნიცაში ბიონსეს და ჯეიზის ერთობლივ კონცერტს დაესწრება.

June 13, 2018 / 2:25 pm

TOP გადაცემები

Facebook

რეკლამა

მსგავსი სიახლეები

თიკა ჯამბურიას ტრიუმფალური დაბრუნება შოუ ბიზნესში და კლიპის პრემიერა

თიკას რამდენიმეწლიანი პაუზა ჰქონდა აღებული, თუმცა, დაბრუნება სწორედაც რომ ასეთი უნდა. მან უცხოურენოვანი სიმღერა, სახელწოდებით Sunshine ჩაწერა, ვიდეო-რგოლიც გადაიღო და მსმენელს კარგი პროდუქტიც შესთავაზა.

რა სიახლეები აქვს ანსამბლ “რუსთავს” მსმენელისთვის

ცნობილი და საზოგადოებისთვის საყვარელი ანსამბლი „რუსთავი“ და სტუდია „მართვე“ გაერთიანდნენ. სწორედ ამ სიახლით კი რადიოჰოლდიგ „ფორტუნას“ თათა სადრაძის გადაცემას, „არტ ეფემს“ ორი გაერთიანებული გუნდის აღმასრულებელი დირექტორი, გიორგი გაბუნია ესტუმრა, სადაც მათი გაერთიანების იდეასთან და სიახლეებთან დაკავშირებით ისაუბრა.

ჯგუფი „სანდას“ ახალი სიმღერის „ჩალისფერი თმების“ პრემიერა რადიოჰოლდინგ ფორტუნაში

ჯგუფის ერთ ერთმა წევრმა, სოსო საყვარელიძემ რადიოში, ახალი ალბომიდან პირველი სიმღერის, „ჩალისფერი თმები“-ს ჩვენი რადიომსენელებისთვის გაზიარება გადაწყვიტა. მუსიკოსი გვიყვება, რომ სიმღერა 1 წლის წინ შეიქმნა და ის უკვე სხვადასხვა კონცერტებზე იქნა შესრულებული, თუმცა სტუდიური ჩანაწერი ახალია მსმენელისთვის.

რესტორან „ვეფხი და მოყმეში“ მსოფლიო ჩემპიონატის ფინალის ჩვენება გაიმართა

რესტორან “ვეფხი და მოყმეში” კი, როგორც იცით, მთელი ამ პერიოდის განმავლობაში საფეხბურთო მატჩების ჩვენებები იმართებოდა. ბუნებრივია, არც მსოფლიო ჩემპიონატის ფინალი იყო გამონაკლისი და ამჯერადაც მეზობელი რადიოჰოლდინგ “ფორტუნას” ფეხბურთის მოყვარული თანამშრომლები აღნიშნულ სივრცეში შეიკრიბნენ.

ვისთან ერთად მიემგზავრება სოფო ბათილაშვილი ბიონსეს კონცერტზე, რომელიც საჩუქრად ფორტუნამ გადასცა

უნიჭიერესი მომღერალი და „მხოლოდ ქართულის” გამარჯვებული, სოფო ბათილაშვილი რადიო ჰოლდინგ ფორტუნას სტუმრობდა. მომღერალმა, ასევე, მის სამომავლო გეგმებზეც ისაუბრა და დაგვპირდა, რომ მის გულშემატკივრებს სულ მალე ახალი სიმღერებით გაახარებს

რეკლამა