ხელოვნება აერთიანებს ადამიანებს. „წინანდლის პრემია“ სწორედ ამ ერთ ციტატას შეგვიძლია დავუკავშიროთ. კონკურსი, რომელიც მეცნიერების და ხელოვნების არაერთ დარგს მოიცავს, ამ სფეროში მოღვაწე, ნიჭიერ და პერსპექტიულ ახალგაზრდებს შესაძლებლობების რეალიზებაში უწყობს ხელს. პროექტი „წინანდლის პრემია“ წელს 12 ოქტომბერს გაიმართება. ის 1998 წელს წინანდალში დაიბადა. პირველი დაჯილდოების საზეიმო ცერემონიალი კი 1999 წელს თეატრალურ სარდაფში გაიმართა. პროექტი დღემდე ზურაბ ჟვანიას პატრონაჟით ხორციელდება.