ჩვენს ქვეყანაში რომ კარგი მუსიკა კეთდება, ამას ბევრი საუბარი არ სჭირდება. ცალკეული შემსრულებლები თუ ჯგუფები სულ უფრო მეტ ხარისხიან პროდუქტს სთავაზობენ ქართველ მსმენელს. მათ რიცხვს განეკუთხვნება ჯგუფი “რეგიონი”, რომელიც 2008 წელს დაარსდა და მას მერე, რეგის სტილში ქმნიან სიმღერებს. ეს არის იამაიკური მუსიკა, რომელიც თავის სპეციფიურობით გამოირჩევა. თავად მუსიკოსები ამ მიმდინარეობას ჩატეხილი რითმების სამყაროს უწოდებენ. ჯგუფმა პირველი ალბომი ”I am a Georgian” 2010 წლისთვის ჩაწერა. დღეს კი ისინი ახალ ალბომზე მუშაობენ, რომლის პროდიუსერიც მუსიკოსი ნიაზ დიასამიძეა.