ქართულ სატელევიზიო სივრცეში უპრეცედენტო პროექტი „მხოლოდ ქართული“ გამოჩნდა, რომელიც თავის სპეციფიკით განსაკუთრებულია. პროექტში კონკურსანტები მხოლოდ ქართულ სიმღერებს შეასრულებენ, რაც ერთგვარი გარანტია იმისა, რომ ქართული სიმღერა ჩვენს ქვეყანაში მეტად პოპულარული გახდება. პროექტზე სასაუბროდ ფოლკლორისტი გიორგი უშიკიშვილი მედიაჰოლდინგ ფორტუნას, თათა სადრაძის გადაცემა არტ ფმ-ს სტუმრობდა. ის პროექტის ჟიურის წევრი და ასევე, მთავარი პროდიუსერი გახლავთ.