ქართველი წარმატებული მოდელის, თაკო ჩხეიძის მიერ დაარსებული GeoModels Studio, უკვე წლებია, გოგონებს იმ უნარ-ჩვევების განვითარებაში ეხმარება, რომელიც არა მხოლოდ მოდელისთვის, არამედ ყველა ქალბატონისთვის აუცილებელია. სტუდიის მიზანია, გოგონებს ადრეული ასაკიდანვე დაეხმარონ წარმატებულ, მიზანდასახულ და მომხიბვლელ ქალბატონებად ჩამოყალიბებაში. GeoModels Studio-ის მოსწავლეებმა ერთწლიანი შრომის შედეგი პოდიუმზე გამოიტანეს და აუდიტორიის წინაშე, როგორც ქართველი დიზაინერების მიერ შექმნილი სამოსით, ასევე საკუთარი სტილითაც წარსდგნენ.