ეთნო-ჯაზ ჯგუფი 2013 წელს დაარსდა, ბენდის სახელი “ირიაო” ქართული ცნობილი ხალხური სიმღერიდან “კრიმანჭულიდან” მოდის. არაერთი საერთაშორისო ფესტივალისა და კონცერტის შემდეგ, ჯგუფმა გადაწყვიტა, საღამო თბილისშიც გაემართა და დიდხნიანი პაუზის შემდეგ, ქართველი მსმენელის წინაშე, ახალი კომპოზიციებითაც წარმსდგარიყო. ჯგუფ “ირიაოს” კომპოზიციების ავტორი და ბენდის ლიდერი, დავით მალაზონია ერთ-ერთი პირველი კომპოზიტორია, რომელმაც ჯაზი და ქართული ფოლკლორი ერთ ნამუშევარში გააერთიანა.