პროექტი check in Georgia-ს დახმარებით არაერთი მსოფლიო დონის ვარსკვლავი დაჩექინებულა საქართველოში ამ მხრივ კი არც ზაფხულის ცხელი სეზონი იქნება გამონაკლისი. ამჯერად “ბლექ სი არენას“ 2018 წლის სეზონს ლეგენდარული იტალიელი კომპიზიტორის, ენიო მორიკონეს კონცერტი გახსნის. გეტყვით, რომ მუსიკოსს 600-მდე მუსიკალური ნაწარმოები აქვს შექმნილი და ის “ბლექ სი არენას” სცენაზე რომის სიმფონიურ ორკესტრთან და ოპერის გუნდთან ერთად წარსდგება. მორიკონე კონცერტს საკუთარი მოღვაწეობის 60 წლის იუბილესადმი მიძღვნილ ტურნეს ფარგლებში გამართავს.