ქართულ შოუბიზნესში არსებობენ ადამიანები, რომლებსაც არ უჭირთ ფილარმონიის დიდი საკონცერტო დარბაზის შევსება და კონცერტების ანშლაგით ჩატარება. ისინი არც ისე ბევრნი არიან, თუმცა მათ სიაში სტეფანე მღებრიშვილი თამამად შეგვიძლია მოვიაზროთ. ამჯერადაც, თბილისის დიდ საკონცერტო დარბაზში მისულ მსმენელს მან გრანდიოზული საღამო შესთავაზა. სკამებზე თითქმის აღარავინ ისხდა და მთელი დარბაზი მასთან ერთად ცეკვავდა. იშვიათად ხდება ფილარმონიის დარბაზის აცეკვება, თუმცა ამ სტერეოტიპს სტეფანე ნამდვილად ამსხვრევს.