ენიო მორიკონე საქართველოში ორკესტრთან ერთად ჩამოვა

ენიო მორიკონე საქართველოში ორკესტრთან ერთად ჩამოვა

90 წლის შესანიშნავი იტალიელი მუსიკოსი, კომპოზიტორი და დირიჟორი, ენიო მორიკონე საქართველოში ჩამოდის. ჯერჯერობით ოფიციალურად „ბლექ სი არენა“ არ ადასტურებს, მაგრამ ჩვენი ინფორმაციით, ამ კვირაში ოფიციალურადაც განაცხადებენ, რომ შეკვეთლში მდებარე 10 000-კაციანი დარბაზის ახალი სეზონი, 19 მაისს სწორედ მორიკონეს კონცერტით გაიხსნება.

ენიო მორიკონე ბათუმში საკუთარ ორკესტრთან ერთად ჩაფრინდება, სრული შემადგენლობით. ღონისძიებაზე მისი შემოქმედებიდან ყველაზე ცნობილი კინოჰიტები შესრულდება. ორკესტრს თავად უდირიჟორებს. კონცერტში მონაწილეობას ასევე მიიღებს თბილისის ოპერის გუნდი.

ენიო მორიკონემ კინოსამყაროში 1946 წელს შეაბიჯა და მას შემდეგ ბრწყინვალე მუსიკალური ნაწარმოებები შექმნა, 500-ზე მეტი ფილმისთვის თუ სატელევიზიო პროექტისთვის იმუშავა, ასევე ეკუთვნის100-მდე კლასიკური ნაწარმოები.

მის ფილმოგრაფიაში 70-მდე „ოსკარის“ მფლობელი ფილმი შედის. ყველაზე ხშირად თანამშრომლობდა სეჯიო ლეონესთან, ჯიუზეპე ტორნატორესა და სხვა შესანიშნავ რეჟისორებთან.

სიახლეები/

|

April 10, 2018 / 1:36 pm

საკვანძო სიტყვები

TOP სიახლეები

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

რომელი კერძი გასინჯა რობერტ პლანტმა ბათუმში

გუშინ ბათუმში ლეგენდარული “ლედ ზეპელინის” სოლისტი, რობერტ პლანტი თავის ჯგუფთან ერთად ჩაფრინდა. მუსიკოსები სასტუმროში დაბინავდნენ. დღეს კი პლანტმა ბათუმში გასეირნება და სადილობა “კაფე გარდენში” გადაწყვიტა. როგორც გვითხრეს, მუსიკოსმა ქოთნის ლობიო დააგემოვნა და ძალიან მოეწონა. შეგახსენებთ, რომ დღეს რობერტ პლანტის კონცერტით, რომელიც “ბლექ სი არენაზე” გაიმართება, ბათუმის შავი ზღვის ჯაზფესტივალი გაიხსნება. (ფოტოები)

კინო ჟესტებით – ყრუ და სმენადაქვეითებული საზოგადოებისთვის ნანა ჯანელიძის ფილმის ჩვენება გაიმართება

23 ივლისს, 20:30 საათზე, თბილისში, “მზიურის” ტერიტორიაზე გაიმართება ნანა ჯანელიძის ფილმის: „ნეტავ, იქ თეატრი არის?!” ჩვენება. ფილმი ადაპტირებულია ყრუ და სმენადაქვეითებული საზოგადოებისთვის. ფილმის ჩვენების შემდეგ მოეწყობა დისკუსია რომელსაც ფილმის რეჟისორი – ნანა ჯანელიძე და მთავარი როლის შემსრულებელი, ლეგენდარული ქართველი მსახიობი – კახი კავსაძე დაესწრებიან. “კინო ჟესტებით” ახალგაზრდა ხელოვანთა საერთაშორისო გაერთიანების პროექტია, რომელიც ეროვნული კინოცენტრის, საქართველოს […]

Facebook

რეკლამა

[bsa_pro_ad_space id=1]

მსგავსი სიახლეები

ენიო მორიკონეს ბრწყინვალე კონცერტი „ბლექ სი არენაზე“ – მიმოხილვა (ფოტო/ვიდეო)

იტალიელი კომპოზიტორი და დირიჟორი, რომელიც მსოფლიო ტურნეთი 60-წლიან შესანიშნავ მუსიკალურ კარიერას აღნიშნავს, საქართველოს ეწვია. 18 მაისს ის ბათუმის აეროპორტში ჩაფრინდა და შეკვეთილის სასტუმროსკენ აიღო გეზი. 121-კაციან გუნდთან ერთად, სადაც მსოფლიოს ერთ-ერთი საუკეთესო, რომის სიმფონიური ორკესტრის შემადგენლობაც შედიოდა, „პარაგრაფში“ დაბინავდა. მაესტრო მორიკონე საქართველოში მეუღლესთან ერთად ჩამოვიდა, რომელსაც ჩვენი ქვეყნის შესახებ უამრავი შეკითხვა ჰქონდა, ანბანით დაწყებული, ისტორიით […]

ენიო მორიკონეს კონცერტის ბილეთის ფასი 60 ლარიდან დაიწყება

18 აპრილს, თბილისის სახელმწიფო ოპერის თეატრის შენობაში „ბლექ სი არენას“ სეზონის გახსნასთან დაკავშირებით პრესკონფერენცია გაიმართა, რომელსაც საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი, დიმიტრი ქუმსიშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე და „ბლექ სი არენას“ დირექტორი ანი კავლელიშვილი მონაწილეობდნენ. ცნობილი კომპოზიტორი და დირიჟორი, ენიო მორიკონე საქართველოს ესტუმრება. 2018 წლის 19 მაისს ის რომის სიმფონიურ […]

რეკლამა