„ECHOWAVES“ – ახალი ფესტივალი ანაკლიაში გაიმართება

„ECHOWAVES“ – ახალი ფესტივალი ანაკლიაში გაიმართება

ECHOWAVES“ელექტრონული მუსიკის ფესტივალია, რომელიც ანაკლიაში 23-26 აგვისტოს გაიმართება. 4-დღიანი ფესტივალის მიზანი რეგიონის კულტურულ განვითარებაში მნიშვნელოვანი წვლილის შეტანა და ტურისტულად მიმზიდველი პროექტის შექმნაა.  მუსიკის გარდა, ფესტივალი მოიცავს სპორტულ გამაჯანსაღებელ აქტივობებს, სხვადასხვა ტიპის სახელოვნებო თუ კულტურულ ღონისძიებებს, სოციალურ და საგანმანათლებლო პროექტებს.

ფესტივალის ჩატარება დაგეგმილია ევროპაში ერთ-ერთ საუკეთესო და პოპულარულ ფესტივალ „EXIT”-ის  ქოლგის ქვეშ.

Exit ფესტივალი 2000 წელს დაარსდა და მას საფუძველი დაედო დიდი სტუდენტური მოძრაობის შედეგად, რომელიც სერბეთში დამოუკიდებლობისთვის იბრძოდა.  დროთა განმავლობაში ის სრულფასოვან მუსიკალურ ფესტივალად ჩამოყალიბდა, რომელიც ყოველწლიურად მსოფლიო მუსიკალური სცენის ვარსკვლავებს მასპინძლობს. დაარსებიდან დღემდე Exit Festival-ის სცენაზე ისეთ არტისტებს დაუკრავთ, როგორებიც არიან:  Depeche Mode, Guns N’ Roses,  Massive Attack, Faithless,  Arctic Monkeys, Jamiroquai, Portishead,Wu-Tang Clan, The Prodigy, Sex Pistols და სხვ.

წლების განმავლობაში The Guardian, CNN, The Sun, Euronews და სხვა გამოცემები მას ევროპის და მსოფლიოს საუკეთესო ფესტივალებს შორის ასახელებენ. 2013 და 2017 წელს EXIT ფესტივალი „Best Major Europian Festival”-ის გამარჯვებული გახდა. Conde Nast Traveler-მა აღნიშნული ღონისძიება ევროპის ტოპ 50 ტურისტულ ღირსშესანიშნაობებს შორის დაასახელა, ამ სიაში EXIT ერთადერთი ფესტივალია. დაარსების დღიდან ფესტივალს 3.610.000 ვიზიტორი ჰყავდა.

ძალიან სასიამოვნო და მნიშვნელოვანია, რომ სწორედ EXIT ფესტივალის ქოლგის ქვეშ შეიქმნა  „ANAKLIA ECHOWAVES.“

ღონისძიება Exit Festival-ის მხარდამჭერით გაიმართება და მის ორგანიზებაში მრავალწლიანი გამოცდილების მქონე ჯგუფია ჩართული. EXIT-ის პატრონაჟი და მხარდაჭერა ბრენდის განვითარებისთვის საკვანძო ელემენტია, რაც ამ ფესტივალის სტატუს და რეპუტაციას მნიშვნელოვნად ზრდის.

აქედან გამომდინარე, „ANAKLIA  ECHOWAVES“-ს კოლაბორაცია აღნიშნულ ბრენდთან კიდევ უფრო წაახალისებს შიდა და საერთაშორისო ტურისტული ნაკადების ზრდას და ანაკლიის პოზიციონირებას საფესტივალო მიმართულებით.

ანაკლიის საფესტივალო ტერიტორიაზე გაიხსნება ხუთი სცენა, მსოფლიო დონის  80 შემსრულებელი წარსდგება მსმენელის წინაშე.

ECHOWAVES“ ფესტივალის დადასტურებულ არტისტებს შორის არიან: Solomun, Juan Atkins, Dzijan Emin & GPO, Francesco Tristano & Guti live და ბევრი სხვა, თუმცა მიმდინარეობს მოლაპარაკებები სხვა მსოფლიო მნიშვნელობის მქონე ლაივ შემსრულებლებთან და დიჯეებთან, რომლებიც ფესტივალის სახელს უფრო სოლიდურს და მიმზიდველს გახდის.

სიახლეები/

|

June 19, 2018 / 1:50 pm

საკვანძო სიტყვები

TOP სიახლეები

სალომე გოგიაშვილი: „არც მკერდის ოპერაცია დამიმალავს და არც ცხვირის“

სალომე გოგიაშვილმა ახლახან ცხვირის ოპერაცია გაიკეთა და ძალიან კმაყოფილი დარჩა შედეგით. როგორც ამბობს, მისი ოჯახის წევრებს, მათ შორის მეუღლესა და შვილებს არ უნდოდათ, მაგრამ თავად რამდენიმე წელი ფიქრობდა დაცემისას გამრუდებული ცხვირის ფორმის შეცვლაზე და როგორც იქნა, ბევრი ფიქრის შემდეგ გადაწყვიტა… როგორც „თბილისელებთან“ ინტერვიუში ამბობს, მას არც ცხვირის ოპერაციის ამბავი დაუმალავს, რადგან სურდა, ვისაც ასეთი განზრახვა […]

Tbilisi Open Air 2019-ის ჰედლაინერი Franz Ferdinand იქნება

Tbilisi Open Air-ის ლაინაფი და ჩატარების თარიღი ცნობილია. Tbilisi Open Air 2019-ში 10 წლის იუბილეს აღნიშნავს და 21, 22 და 23 ივნისს Lisi Wonderland-ში გაიმართება. ფესტივალის ჰედლაინერები არიან Franz Ferdinand, Mogwai, UNKLE, Rhye, David August, The Subways, Michelle Gurevich, 1200 Micrograms, ‘მწვანე ოთახი’. საერთო ჯამში – 70-მდე შემსრულებელი. Tbilisi Open Air-ზე 4 სცენა იმუშავებს. ფესტივალის […]

ნანი და სტეფანე – ამონარიდი ახალი კლიპიდან (ვიდეო)

ნანი ბრეგვაძემ და სტეფანემ დუეტი ჩაწერეს. ვაჟა აზარაშვილის ცნობილი სიმღერის „ისევ წვიმს“ ახლებური ვერსია მათ ერთად ჯერ „ბლექ სი არენაზე“, ნანი ბრეგვაძის საღამოზე შეასრულეს, შემდეგ კი სტუდიაში გადაინაცვლეს და შესანიშნავი მუსიკოსების არანჟირებით ჩაწერეს. ახლახან კი მუსიკოსებმა დაასრულეს მუშაობა ვიდეორგოლზე, რომლის პრემიერაც 20 მარტს, „ნანუკა ჟორჟოლიანის შოუში“ შედგება. სტეფანემ ახალი კლიპიდან ამონარიდი „ფეისბუქის“ გვერდზე გააზიარა. შეგახსენებთ, […]

Facebook

რეკლამა

მსგავსი სიახლეები

Echowaves-ის ფესტივალი ანაკლიაში – ლაინაფი ცნობილია!..

EYE Stage ფესტივალ Echowaves-ის ფარგლებში ლაინაფს აანონსებს. EYE Stage-ზე 25 არტისტი დაუკრავს – სცენა ჰაუსმუსიკაზე იქნება ორიენტირებული. 23-იდან 26 აგვისტოს ჩათვლით, ანაკლიაში, ახალ ქართულ ფესტივალზე Еchowaves Кollektiv Turmstrasse-ს, Henrik Schwarz-ს, Detroit Swindle-ს, Butch-ს,  Sailor & I-ს, Woo York-ს და არაერთ სხვა არტისტს მოისმენთ. EYE Stage 2017 წელს შეიქმნა. სცენა რამდენიმე კვირის წინ Tbilisi Open Air-ზეც […]

რეკლამა