Dee Dee Bridgewater, The Swingles, Janoska ensemble და მაია ბარათაშვილი თბილისის სიმფონიურ ორკესტრთან ერთად ჯანსუღ კახიძის სახელობის საერთაშორისო მუსიკალური ფესტივალზე გამოვლენ. ღონისძიება 3 მაისიდან 23 მაისამდე პერიოდშია დაგეგმილი. ბილეთების ყიდვა უკვე შეგიძლიათ საიტზე Biletebi.ge.
პროგრამა კი მართლაც საინტერესოა. 3 მაისს ორკესტრთან ერთად, რომელსაც მაესტრო ვახტანგ კახიძე უდირიჟორებს, The Swingles გამოვა. The Swingles ფრანგული ვოკალური ჯგუფია, რომელიც 1962 წელს პარიზში ჩამოყალიბდა. 10 მაისს ამერიკელი ბრწყინვალე ჯაზვოკალისტი Dee Dee Bridgewater დაიკავებს სცენას ორკესტრთან ერთად. Janoska ensemble კლასიკური მუსიკოსებისგან არის დაკომპლექტებული, რომლებიც სხვადასხვა ისნტრუმენტზე უკრავენ და ცნობილი კომპოზიციების თავისებურ ვერსიებს სთავაზობენ მსმენელს. ისინი 19 მაისს წარდგებიან ქართველი მსმენელის წინაშე, 23 მაისს კი ქართველი ჯაზმომღერალი, მაია ბარათაშვილი დაასრულებს ფესტივალს.