29 ივლისს, „ისთერნ ფრომოუშენსისა“ და „TBC Status“-ის ორგანიზებით, ბათუმის ჯაზფესტივალს ამერიკული ჰიპ-ჰოპ ჯგუფი „De La Soul“ ესტუმრა. სამწუხაროდ, ჯგუფის ერთ-ერთმა წევრმა ჩამოსვლა ვერ მოახერხა, ამიტომ ტრიოს ნაცვლად სცენაზე დუეტი ვიხილეთ – ვინსენტ მეისონი, იგივე Maseo (რეპერი, პროდიუსერი, დიჯეი) და კელვინ მერსერი (რეპერი და პროდიუსერი), რომელიც უფრო მეტად მისი მეტსახელით Posdnuos არის ცნობილი.
ჯგუფი შოუბიზნესში მოღვაწეობის რამდენიმე ათეულ წელიწადს აღნიშნავს. 2017 წელს ჯგუფი „გრემიზე“ მეექვსედ წარადგინეს, ამჯერად საუკეთესო რეპალბომის კატეგორიაში. „დე ლა სოულს“ ეს პრესტიჟული ჯილდო ერთხელ აქვს მოპოვებული, ჯგუფი „გორილაზთან“ კოლაბორაციისთვის, 2006 წელს. ვრცლად