დათო ზურაბიშვილი: „ზვიად რატიანის საქმეზე პოლიციელებმა პირველი ჩვენება შეცვალეს…“

დათო ზურაბიშვილი: „ზვიად რატიანის საქმეზე პოლიციელებმა პირველი ჩვენება შეცვალეს…“

დათო ზურაბიშვილი პოეტ ზვიად რატიანის საქმესთან დაკავშირებულ სასამართლო პროცესზე იმყოფებოდა. მისი დასრულების შემდეგ მან სოციალურ ქსელში ვრცელი მოსაზრება გამოაქვეყნა და აღნიშნა, რომ პოლიციამ პირველი ჩვენება პრაქტიკულად შეცვალა.

დათო ზურაბიშვილის მოსაზრებას უცვლელად გთავაზობთ:

„ზვიად რატიანის საამართლო პროცესზე გახლდით. განაჩენი გამოცხადდება 29 დეკემბერს. განსაკუთრებით საინტერესო რაც მომეჩვენა, ისაა, რომ პოლიციამ პრაქტიკულად შეცვალა პირველი ჩვენება, რომლის მიხედვითაც ისინი ახორციელებდნენ საპოლიციო კონტროლს (ანუ რეიდს), გააჩერეს მოქალაქე რატიანი, რომელსაც მოთხოვეს საბუთები, რაზედაც პასუხად მიიღეს სიტყვიერი შეურაცხყოფა და ამიტომ იძლებული გახდნენ განყოფილებაში გადაეყვანთ.ეს ვერსიაა ასახული მათ მიერ დაწერილ ახსნა-განმარტებაშიც.

სასამართლოში კი მოწმე პოლიციელებმა ვითარება დახატეს შემდეგნაირად: ისინი საპოლიციო კონტროლს (ანუ რეიდს) კი არ ახორციელებდნენ, არამედ უბრალოდ მისეირნობდნენ წინამძღვრიშვილის ქუჩაზე თამარ მეფის გამზირისკენ (ამ დროს მანქანა რატომღაც გერმანიის საელჩოსთან ჰქონდათ დატოვებული) და შემოესმათ ხმამაღალი გინება, მივიდნენ ახლოს და ხედავენ, რომ მოდის მთვრალი რატიანი და ხმამაღლა იგინება (პირდაპირ “ვეფხისტყაოსანი” გაგახსენდება კაცს: “ზახილი მესმა, შევხედენ, მოყმე ამაყად ყიოდა.”). შეწუხდნენ პოლიციელები და თავაზიანად ჰკითხეს, რა გნებავთ, ვინ ბრძანდებითო. იმან კიდევ, თქვენ ვინ ჩემი ისა ხართ, როგორ ვერ მცნობთ ამხელა კაცს, არ იცით ვინ უნდა გააჩეროთ თქვენი დედა და ასე და ისეო. პოლიციელებმა კვლავ თავაზიანად, მოქალაქევ იქნებ თქვენი პირადობის დამადასტურებელი საბუთი წარმოგვიდგინოთო, რაზედაც მთვრალი პოეტი სულ გადაირია, გინებით ხომ აგინა მათაც, პიპინიასაც, ჯერ ერთ პოლიციელს ჩააფარა სახეში, მერე მეორეს და ესენიც იძულებული გახდნენ ნაზად და ლამაზად დაეკავებინათ, მოკრძალებით დაედოთ ხელბორკილი და გამოძახებული მანქანით გადაეყვანათ განყოფილებაში, თუმცა ბორკილდადებული რატიანი არ წყვეტდა წინააღმდეგობას და ერთ პოლიციელს უკბინა კიდეც. მთელი ამ ხნის განმავლობაში კი ერთ-ერთი პოლიციელი ეპიზოდურად იღებდა მთელ ამ ამბავს მობილურით.

მოკლედ, ბევრი რომ არ გავაგრძელო, მეორე ვერსია არის საცობში მოყოლილი თაკო გვაზავას ცნობილი ფბ პოსტის ოდნავ უტრირებული გადამღერება (თავად ეს პოსტიც საქმეში ფიგურირებს, როგორც პოსტი). მართალია, პოლიციელები ჩვენების ამბავშიც ვერ ჩამოყალიბდნენ იმაზე, იყო თუ არა იმ დროს საცობი, მაგრამ ეგ წვრილმანია.

 

მე პირადად ისეთი შთაბეჭდილება დამრჩა, რომ შსს-ში საერთოდ გვაზავას პოსტზე გადააწყვეს თავდაპირველი ჩვენებები.

აი, ეგეთი ამბებია. ვინც ახლა ამას დაიჯერებს (თავად ზვიადის ჩვენებით, ეს პოლიციელები მოგვიანებით მოვიდნენ და მანამდე უფორმო ოპერებმა მიაყენეს შეურაცხყოფა), ალბათ, პირდაპირ კახა თარგამაძის სახელობის პრემიაზე უნდა იქნეს წარდგენილი, ან, ჰა ჰა, ოქროს ფრთაზე“.

სიახლეები/

|

December 28, 2017 / 12:13 pm

საკვანძო სიტყვები

TOP სიახლეები

„ოუშენის 8 მეგობრის“ ქალური პრეზენტაცია

21 ივნისს, „თბილისი გალერია“-ში „მარტინისთან“ერთად გაიმართა „ოუშენის 8 მეგობრის“ პრეზენტაცია ცნობილი სახეებისა და მედიისთვის. დახურულ წვეულებას კინოთეატრთან ერთად, მასპინძლობდა ცნობილი პიარმენეჯერი თეონა ბაღდავაძე, რომელმაც დამსწრეებისთვის ათი პრიზი გაათამაშა, რასაკვირველია, ვიქტორინის შეკითხვები, ძირითადად, ფილმისა და მისი მონაწილე მსახიობების გარშემო ტრიალებდა. გათამაშების შემდეგ კომფორტულ დარბაზში გადავინაცვლეთ. კინოჩვენებას მხოლოდ ქალები ესწრებოდნენ და ფილმშიც ქალი კრიმინალების შესახებაა მოთხრობილი, რომლებიც […]

სოფო ბედია დედა გახდება – „ნიკუშას ძმა ეყოლება…“

სოფო ბედია ორსულადაა. მან ამის შესახებ საკუთარ „ფეისბუქზე“ დაწერა და მილოცვებსაც სიამოვნებით იღებს. სოფოს პირველი ქორწინებიდან ბიჭი ჰყავს, რომელსაც ნიკუშა ჰქვია. „ნიკუშას ძმა ეყოლება“, დაწერა მომღერალმა და აღნიშნა, რომ ერთ-ერთ კლინიკაში იმყოფება, სადაც, როგორც ჩანს, ეს ამბავი დაუდასტურეს. სოფოსა და მის მეუღლეს, მიშა მესხს, დიდი ხანია სურთ ბავშვის ყოლა. მომღერალი ისეთი ბედნიერია ახალი ამბით, რომ […]

ანიტა რაჭველიშვილის ფოტო პარიზის ოპერის თეატრს ამშვენებს

ანიტა რაჭველიშვილის ფოტო პარიზის ახალი ოპერის ფასადზე – ნიკოლოზ რაჭველი თავისი საყვარელი მეგობრის შესახებ წერს. მისი თქმით, ქართველი მეცოსოპრანო მთელ მსოფლიოში ცნობილი და აღიარებულია, მაგრამ მისთვის მუდმივი საფიქრალი საკუთარი ქვეყანაა. რაჭველი აღნიშნავს, რომ ანიტა რაჭველიშვილმა დღემდე ყველაზე დიდ კომპანიებზე მეტი შემოწირულობა გაიღო ეროვნული ორკესტრის მუსიკოსისთვის, რომელსაც ჯანმრთელობის სერიოზული პრობლემა შეექმნა. ნიკოლოზ რაჭველი წერს: „ეს პარიზის […]

Facebook

რეკლამა

[bsa_pro_ad_space id=1]

რეკლამა