რუსთაველის თეატრის პოპულარულ მსახიობს, დათო დარჩიას, მეუღლესთან, ვიქტორია ბუხნიკაშვილთან და ქალიშვილთან, ელენესთან ერთად კაფე „ორანჟერეაში“ შევხვდით.
17 წლის ელენეს თავიდან მსახიობობა სურდა, მაგრამ შემდეგ გადაიფიქრა და ახლა ბიზნესის მიმართულებით აპირებს წასვლას, რაც დედას არ მოსწონს, მამა კი ბედნიერია, რომ შვილმა მისი გზა არ აირჩია.
წყვილის მეორე შვილი, უფროსი, გუგა დარჩიაც ამავე მიმართულებით მიდის… როგორც დათომ გვითხრა, შესაძლოა, მსახიობი მისი მომავალი შვილიშვილი გამოვიდეს, თუკი ამ პროფესიის ადამიანებს იმ დროისთვის დალხენილი ცხოვრება ექნებათ…
დათო, თქვენი ოჯახის დამოკიდებულება როგორია თქვენი პროფესიის მიმართ? მეუღლე გსაყვედურობთ დროის დეფიციტის გამო?
ამ პროფესიას დიდი დრო მიაქვს, შესაბამისად, გარკვეულ პოპულარობას და წარმატებას ვერ მიაღწევ ოჯახის წევრების ხელშეწყობის გარეშე, მით უმეტეს, როცა ჩამოსაყალიბებელი ხარ და ყველაფერი წინ გაქვს… თეატრში რომ მივედი, მე და ვიკა ახალი დაქორწინებულები ვიყავით, მისი ხელშეწყობა რომ არა, გამორიცხული იყო, იმისთვის მიმეღწია, რასაც დღეს წარმოვადგენ. ასე რომ, ყველგან ვამბობ და ახლაც გავიმეორებ, რომ მადლობელი ვარ ვიკასი ამის გამო…
დროის დეფიციტი, რა თქმა უნდა, არის, მაგრამ მერე ისიც ქრება. ასაკის მატებასთან ერთად უფრო გრჩება დრო, რომ ოჯახს მიხედო და მოეფერო.
ვიკა:
ვიცოდი, რომ დათო იყო მსახიობი და ვაცნობიერებდი, როგორი გრაფიკით უნდა ემუშავა. ვრცლად