„ბლექ სი არენა” 2019 წლის სეზონს 6 „გრემის“ მფლობელი Black Eyed Peas-ის კონცერტით გახსნის!..

„ბლექ სი არენა” 2019 წლის სეზონს 6 „გრემის“ მფლობელი Black Eyed Peas-ის კონცერტით გახსნის!..

16 ივნისს, შეკვეთილში მდებარე საკონცერტო დარბაზი „ბლექ სი არენა”, Check in Georgia-ს ფარგლებში, 2019 წლის სეზონს ამერიკული მუსიკალური ბენდის, Black Eyed Peas-ის კონცერტით გახსნის. ყველა დროის ერთ-ერთი საუკეთესოდ გაყიდვადი ჯგუფი (მთლიანობაში გაყიდული 76 მილიონი ჩანაწერით) საქართველოს ბოლო ალბომის, Masters of the Sun Vol. 1 მხარდამჭერიტურნეს ფარგლებში ეწვევა.

Black Eyed Peas („ბლექ აიდ ფის“) „გრემის“ 6 ჯილდოს მფლობელი ამერიკული მუსიკალური პროექტია, რომელიც სამი არტისტისგან, will.i.am, apl.de.ap და Taboo-სგან შედგება. ჯგუფი 1995 წელს დაარსდა და თავდაპირველად ძირითად აქცენტს ჰიპ-ჰოპზე აკეთებდა, მოგვიანებით კი შემოქმედებითი საქმიანობის მასშტაბი მნიშვნელოვნად გაზარდა და Black Eyed Peas გლობალური მუსიკალური ფენომენი გახდა.

1998 წელს ჯგუფის სადებიუტო ალბომი Behind the Front გამოიცა, რომელსაც 2 წლის შემდეგ Bridging the Gap მოჰყვა. მიუხედავად იმისა, რომ მათ ამ ჩანაწერებით კრიტიკოსების ქება დაიმსახურეს, საერთაშორისო წარმატების მომტანი მაინც 2003 წელს გავრცელებული Elephunkგახდა, რომელშიც Black Eyed Peas-ის ისეთი ჰიტები შევიდა, როგორებიცა „Where Is the Love?”, „Shut Up” და „Let’s Get It Started”. ამ უკანასკნელმა ბენდს პირველი გრემის ჯილდო მოუტანა ნომინაციაში „საუკეთესო რეპშესრულება“. ეს Black Eyed Peas-ის პირველი ალბომი იყო, რომელიც Fergie-სთან თანამშრომლობით ჩაიწერა.

Elephunk-ის წარმატება შემდეგმა ალბომმა, Monkey Business-მაც გაიზიარა, რომლის სიმღერებმაც ჯგუფს 4 „გრემი“ მოუტანა. “Pump It”, “Don’t Phunk with My Heart”, “My Humps”, “Don’t Lie” და ალბომის სხვა ნამუშევრების წარმატებამ Black Eyed Peas მუსიკალურ ინდუსტრიაში ახალ საფეხურზე აიყვანა, სადაც დღემდე წარმატებით რჩება.

Black Eyed Peas-ის მსმენელი მუსიკალური ექსპერიმენტებით მუდმივად განებივრებული იყო, თუმცა 2009 წელს გამოსულმა ალბომმა The E.N.D. კიდევ ერთხელ გამოკვეთა,- ჯგუფი თავის მუსიკალურ სივრცეს უფრო მეტად აფართოვებდა. “Boom Boom Pow”, “I Gotta Feeling”, “Imma Be” – ეს ალბომში შესული იმ კომპოზიციების არასრული ჩამონათვალია, სადაც ელექტრონული ჟღერადობა დიდი ხარისხით იგრძნობოდა. 11 მილიონი გაყიდული ეგზემპლარით და „გრემის“ 6 ნომინაციით The E.N.D არა მხოლოდ Black Eyed Peas-ის, არამედ ბოლო წლების ერთ-ერთი ყველაზე წარმატებული ალბომი გახდა. ალბომის წარმატების გათვალისწინებით, მალევე გამოიცა მორიგი ჩანაწერი The Beginning, რის შემდეგაც ჯგუფმა სტუდიური პროექტებისგან რამდენიმეწლიანი პაუზა აიღო.

სწორედ ამ პერიოდში ჯგუფის თითოეულმა წევრმა აქცენტი საკუთარი კარიერის განვითარებაზე გააკეთა, რაც წარმატებით გამოუვიდათ. Fergie-მ სოლოკარიერა განაახლა და სხვადასხვა არტისტთან თანამშრომლობა დაიწყო, რის გამოც საბოლოოდ Black Eyed Peas-თან ურთიერთობა განუსაზღვრელი ვადით შეწყვიტა. შესაბამისად, ჯგუფის უკანასკნელი ალბომიMasters of the Sun Vol. 1 მის გარეშე ჩაიწერა. ამ ალბომში Black Eyed Peas შეეცადა, The E.N.D და The Beginning-სგან განსხვავებული ნამუშევრები შეექმნა და მუსიკალურად საკუთარი კარიერის ადრეულ ოქროს წლებზე ფოკუსირდნენ, თუმცა ალბომისთვის მიძღვნილი ტურნე ჯგუფის როგორც ძველ, ასევე ახალ ჩანაწერებსაც მოიცავს და ფაქტობრივად, Black Eyed Peas-ის ყველა მნიშვნელოვან ჰიტს აერთიანებს.

Black Eyed Peas-ის კონცერტზე დასასწრები ბილეთების შეძენა 30 აპრილიდან ორი ინტერნეტ პლატფორმის, tkt.ge და eventer.ge-ს საშუალებით არის შესაძლებელი. ბილეთების ფასი 50 ლარიდან დაიწყება.

Black Eyed Peas-ის გარდა, 2019 წლის სეზონზე „ბლექ სი არენა“ არაერთ მსოფლიო ვარსკვლავს უმასპინძლებს, რომელთა ჩამონათვალს შეკვეთილში მდებარე საკონცერტო არენის ოფიციალურ საიტსა და ოფიციალურ „ფეისბუქ“-გვერდზე ეტაპობრივად გაეცნობით.

„ბლექ სი არენა“ საქართველოში ყველაზე დიდი საკონცერტო არენა და მულტიფუნქციური სივრცეა, რომელიც შავი ზღვის სანაპიროზე, გურიის რეგიონში მდებარეობს. დარბაზის მშენებლობა 2008 წელს ფონდ „ქართუს“ ინიციატივით დაიწყო და ოფიციალურად 2016 წელს კრისტინა აგილერას კონცერტით გაიხსნა. უკანასკნელი წლების განმავლობაში საკონცერტო დარბაზმა საერთაშორისო მუსიკალური სცენის ვარსკვლავებს, მათ შორის Aerosmith, The Scorpions,Elton John, Robert Plant, Ennio Morricone, Vanesa Mae, CeeLo Green და Eric Benet-ს უმასპინძლა. ამის პარალელურად „ბლექ სი არენა“ სცენას ადგილობრივი სახელოვნებო სივრცის წარმომადგენლებსაც აქტიურად უთმობს და ცდილობს ქართული კულტურული გარემოს განვითარებაში მნიშვნელოვანი როლი ითამაშოს.

30 000 კვადრატულ მეტრზე გაშენებული მუსიკალური არენა 10 000-მდე სტუმარს იტევს და მისი ტექნიკური მონაცემები სხავდასხვა ტიპის ღონისძიებების წარმატებულად ჩატარების საშუალებას იძლევა. ამფითეატრის ტიპის ღია საკონცერტო დარბაზი საუკეთესო ტექნიკით,მოძრავი მნათობი კედლებითა და მოძრავი სახურავითაა აღჭურვილი. მოძრავი სცენა 638 კვადრატული მეტრია (36m X 18m) და დარბაზის ნებისმიერი წერტილიდან სრულყოფილად ჩანს. დარბაზის ტერიტორიაზე ასევე განთავსებულია მცირე ზომის კინოთეატრი.

სიახლეები/

|

April 30, 2019 / 1:11 pm

საკვანძო სიტყვები

TOP სიახლეები

ლევან წულაძისა და მანანა კოზაკოვას ერთადერთი ქალიშვილი გაბედნიერდა (ფოტოები)

რეჟისორ ლევან წულაძისა და მსახიობ მანანა კოზაკოვას ერთადერთი ქალიშვილი, თინათინი გათხოვდა. მისი რჩეული გიორგი კოტეტიშვილი გახლავთ. წყვილმა ჯვარი 22 ივნისს დაიწერა. ულამაზესი პატარძლის მშობლები მეორე დღეა, მილოცვებს იღებენ. აღსანიშნავია, რომ შვილის ქორწილში შესანიშნავ ფორმაში იყო მანანა კოზაკოვა, რომელმაც ამ ბოლო დროს წონაში საგრძნობლად დაიკლო. შეგახსენებთ, თინათინიც ხელოვნების სფეროშია დაკავებული. ის მოცეკვავეა და „სუხიშვილების“ ანსამბლში ცეკვავს. […]

ილიკო სუხიშვილი და ბექა გოჩიაშვილი საპროტესტო აქციაზე (ფოტოები)

ილიკო სუხიშვილი, ბექა გოჩიაშვილი, სოფო ბათილაშვილი და აქციაზე დამსწრე მოქალაქეები ფოტოგრაფ ნიკოლოზ ურუშაძის ობიექტივში მოხვდნენ. ყველა მათგანს ცალ თვალზე ხელი აქვს აფარებული აქციაზე დაზარალებული ადამიანების მხარდასაჭერად, რომელთაც ტყვიები თვალებში მოხვდათ… „ევროპას ცალი თვალითაც ვხედავთ…“ – აღნიშნავს ფოტოგრაფი. შეგახსენებთ, რომ რამდენიმე დღეა, რუსთაველის გამზირზე მიმდინარეობს აქცია, რომელიც რუსი კომუნისტი დეპუტატის გავრილოვის საქართველოს პარლამენტის სპიკერის სავარძელში ჩაჯდომას […]

ხატია ბუნიათიშვილი 28 სექტემბერს თბილისში კონცერტს გამართავს

ცნობილი ქართველი პიანისტი, ხატია ბუნიათიშვილი საქართველოში კონცერტს აანონსებს. ოფიციალურ „ფეისბუქ“-გვერდზე მუსიკოსმა განათავსა პოსტი, სადაც აღნიშნავს, რომ ძალიან მოხარულია, რომ 28 სექტემბერს თბილისში კონცერტი ექნება. ღონისძიება ჩანიშნულია ჯანსუღ კახიძის სახელობის მუსიკლაურ ცენტრში. ხატია ბუნიათიშვილი მსმენელის წინაშე თბილისის სიმფონიურ ორკესტრთან ერთად წარდგება, რომელსაც მაესტრო ვახტანგ კახიძე უდირიჟორებს. „ერთი სული მაქვს, როდის ჩავეხუტები ჩემს ქალაქს“.

Facebook

რეკლამა

მსგავსი სიახლეები

„ბლექ აიდ ფისი“: „ჩვენ საქართველოში დავბრუნდებით!..“

საათნახევარზე მეტის განმავლობაში, „ბლექ სი არენას“ სეზონის გახსნაზე, 16 ივნისს, ფერადი ემოციებისა და მუსიკალური ჰანგების თანხლებით, ათასობით ადამიანმა „ბლექ აიდ ფისის“ დაუვიწყარი შოუ ნახა და მოისმინა მუსიკა, რომელსაც ამერიკული ჯგუფი ათეულობით წელია, მილიონობით თაყვანისმცემლისთვის ქმნის. მიუხედავად იმისა, რომ მოითმენლად ელოდნენ ქართველ ფანებთან შეხვედრას, მაინც ვერ წარმოიდგენდნენ, რომ შოუმდე რამდენიმე საათით ადრე, სასტუმრო „პარაგრაფის“ აკვარიუმიან დარბაზში […]

რა გელოდებათ „ბლექ სი არენაზე“ 16 ივნისს? – დაათვალიერეთ რუკა

16 ივნისს, „ბლექ სი არენას“ მეოთხე სეზონს ამერიკული ჯგუფი „ბლექ აიდ ფისი“ გახსნის. შოუს ორგანიზატორები ბოლო შტრიხებს ავლებენ, ტექნიკურად  უკვე ყველაფერი მზადაა. „ბლექ სი არენა“ აქვეყნებს ღონისძიების რუკას, სადაც მონიშნულია ყველა ის წერტილი, რომელმაც შესაძლოა, დაგაინტერესოთ. მათ შორისაა სიახლე, რომელსაც წელს გვთავაზობენ  – არენის გარე ტერიტორიაზე განთავსებული იქნება სცენა, სადაც მას შემდეგ, რაც ტერიტორიის კარი […]

როგორ ემზადება „ბლექ სი არენა“ გრანდიოზული გახსნისთვის – „ბლექ აიდ ფისის“ სპეციალური შესრულება ქართველებისთვის

16 ივნისს, ამერიკული ჯგუფი „ბლექ აიდ ფისი“ „ბლექ სი არენას“ მეოთხე სეზონს გახსნის. 2019 წლის კონცერტების ჩამონათვალი შთამბეჭდავია, გახსნის შემდეგ აგვისტოში ჯესი ჯეის და 30 seconds to mars-ის კონცერტები გველოდება, კიდევ ორი არტისტიც დაანონსდება და იქნება ასევე ქართული პროექტებიც. „ბლექ აიდ ფისთან“ ექსკლუზიური ინტერვიუ „იმედის კვირამ“ ჩაწერა. ჯგუფის სამივე წევრმა ბევრი ისაუბრა საქართველოში კონცერტის მოლოდინებთან […]

„ოსკაროსანი“ მსახიობი „ბლექ სი არენაზე“ – ჯარედ ლეტო და Thirty Seconds to Mars 13 აგვისტოს კონცერტს გამართავენ

13 აგვისტოს, „ჩექ ინ ჯორჯიას“ ფარგლებში, „ბლექ სი არენა“ ჰოლივუდის ყველაზე კაშკაშა ვარსკვლავს უმასპინძლებს. „ოსკაროსანი“ ჯარედ ლეტო საზოგადოებისთვის ცნობილია, როგორც არა მხოლოდ მსახიობი, არამედ მუსიკოსიც. ის ძმასთან ერთად ამერიკული როკბენდის, Thirty Seconds to Mars დამფუძნებელია. ჯგუფის ისტორია 1998 წლიდან იწერება, ხოლო მისი კომერციული წარმატება 2005 წელს უკავშირდება. Thirty Seconds to Mars ამერიკული როკპროექტია, რომელიც 1998 […]

Jessie J „ბლექ სი არენას“ სცენას 6 აგვისტოს დაიკავებს!..

ცნობილი ბრიტანელი შემსრულებელი Jessie J, რომელსაც მსოფლიოს მასშტაბით 3 მილიონი ალბომი და 20 მილიონი სინგლი აქვს გაყიდული, საქართველოს ესტუმრება და 2019 წლის 6 აგვისტოს, „ბლექ სი არენაზე“ კონცერტს გამართავს. Jessie J მუსიკალურმა სამყარომ 2011 წელს გამოცემული სადებიუტო ალბომით Who You Are გაიცნო. BRIT Awards-ის ჯილდოს მომტანი ალბომი ისეთ ჩანაწერებს შეიცავდა, როგორებიცაა“Price Tag”, “Domino” და “Laserlight” […]

რეკლამა