ბექა გოჩიაშვილი სნობიზმზე, სიზარმაცეზე, “ვარსკვლავურ დაავადებასა“ და სიყვარულზე…

ბექა გოჩიაშვილი სნობიზმზე, სიზარმაცეზე, “ვარსკვლავურ დაავადებასა“ და სიყვარულზე…

ქართველი ჯაზმენი, პიანისტი ბექა გოჩიაშვილი, რომელიც ლეგენდარულ მუსიკოსთან, სტენკლი კლარკთან ერთად დისკს წერს, საქართველოშია. ის რადიო “ფორტუნას“, თათა სადრაძეს გადაცემას ესტუმრა და ჩვენი საიტის შეკითხვებსაც სიამოვნებით უპასუხა.

თუ წარმოიდგენდი, 19 წლის ასაკში ამდენ რამეს თუ მიაღწევდი?

ბექა გოჩიაშვილი:

არასდროს არაფერი წარმომიდგენია, სანამ არ მოხდა, მაგრამ ყოველთვის მქონდა კონკრეტული მიზანი, სადამდეც მისვლა მინდოდა. თუმცა მისვლის პროცესი ადვილი სულაც არ არის. შეიძლება შევადაროთ, ვარჯიშს რომ დაიწყებ, ორ კვირაში ფორმაში ჩადგები და შემდეგ აღარ გააგრძელებ. იმ შედეგს ვერ მიიღებ, რასაც დიდი ხნის ვარჯიშის შემდეგ შეძლებდი. ამიტომაც მე ჯერაც ვსწავლობ, მუსიკალურად ვიზრდები და ასე ვიქნები ყოველთვის. ამაში დავრწმუნდი, სხვანაირად არ შეიძლება, რადგან ეს ყველანაირ კანონს ეწინააღმდეგება. მით უმეტეს, როცა მუსიკოსი ხარ, კერძოდ, ჯაზმენი, აუცილებელია ფანტაზიის უნარი. ეს ავითარებს იმპროვიზაციის უნარს, ამიტომ ყველანაირად ვცდილობ, გავიმდიდრო ჩემი ფანტაზია.

ვერ ვიტყვი, რომ ჩემში რაღაც არის დამალული, გრძნობა თუ ჩვევა, რასაც მუსიკაში გამოვსახავ. უბრალოდ, ასეა მოწყობილი, იმპროვიზაციის დაკვრისას მოდის ის, რასაც სიტყვებით ვერ ახსნი. არა იმის გამო, რომ რაღაცას მალავ. მაგალითად, პიკასო ხატავდა იმას, რასაც სიტყვით ვერ გადმოსცემდა და თუ არ ხარ ხელოვნების მოძულე, შეუძლებელია, ვერ გაიგო მისი შემოქმედება…

საქართველოში უყვართ ჯაზი?

არ უყვართ, მაგრამ ნელ-ნელა უყვარდებათ, რაც “ისტერნ პრომოუშენის“ დამსახურებაა, ასევე ნიკა რურუასი, რომელიც მინისტრობისას ამ მუსიკალურ მიმართულებას დიდ ყურადღებას აქცევდა. ასევე ვიტყვი მათ გასაგონად, ვინც ამბობს, რომ ის მხოლოდ ჯაზს უთმობდა ყურადღებას, ასე არ არის, სხვა მიმართულებებსაც გადახედონ… უბრალოდ, ვამბობ, როგორც ჯაზმენი, რომ ეს მიმართულება იყო ერთ-ერთი პრიორიტეტული.

საქართველოში ნელ-ნელა უყვარდებათ ჯაზი. ხვდებიან, რომ ეს არის ის, რაც აუცილებლად უნდა მოისმინო. ყველაფერი იწყება მოდით. დღეს ეს მოდაშია და ძალიან მიხარია.

თუნდაც სნობიზმის გამო, მაგრამ უსმინონ?

თუნდაც… სნობიზმის გამო სმენა ვფიქრობ, გადავა ჩვეულებრივი მიზეზით მოსმენაზე, როცა ამ მიმართულებას ნამდვილად დააფასებენ. თუმცა ისიც მინდა აღვნიშნო, რომ სნობიზმი და ჯაზი ერთმანეთისგან ძალიან შორსაა. მე არ ვარ სნობი და არ მიყვარს სნობები. სნობი არის ადამიანი, რომელიც თავმოყვარეობის ფარგლებს გადადის. ეს, პირველ რიგში, ერთ-ერთი დიდი უთავმოყვარეობაა. თუმცა არ მინახავს ადამიანი, რომელსაც უთქვამს, მე სნობი ვარო. თუკი ასე ვინმე ამბობს, იდიოტი ყოფილა (იღიმის).

ბექა, შენს ყოველდღიურობას შევეხოთ. დღეში რამდენ საათს მეცადინეობ, გაქვს გამოყოფილი კონკრეტული დრო?

არ არსებობს კონკრეტული დრო, რომელიც უნდა განსაზღვროს. გუშინ, ვმეცადინეობდი და ამ დროს კიდევ სხვა რაღაც გამოჩნდა, რასაც ვარჯიში სჭირდებოდა, ეს კი დაუსრულებელი პროცესია. ამას ვერც ვერასდროს დაასრულებ. ამან ფსიქოლოგიურად არ უნდა დაგთრგუნოს და არ უნდა იფიქრო, რომ ვერ მოასწრებ. ასე რომ, შეიძლება ვიმეცადინო 4 საათი, შეიძლება, 12. ისე, სამწუხაროდ, ზარმაცი ვარ, მაგრამ ვცდილობ, ვებრძოლო ამ თვისებას ჩემში (იღიმის).

პატარა ასაკიდანვე ძალიან კარგი სტარტი გაქვს კარიერაში. მიწაზე დანარცხების ხომ არ გეშინია და მოპოვებულმა სტატუსმა “ვარსკვლავური დაავადება“ ხომ არ შეგყარა?

არასდროს მაინტერესებდა, ვისთან ვუკრავდი და რა წარმატება მქონდა, ეს უფრო ჩემს ახლობელ ადამიანებს ახარებდათ. ერთი დღე მიხაროდა, მაგრამ მეორე დღეს აღარ იყო დიდი მიღწევა და ვცდილობდი, უფრო მეტისთვის მიმეღწია. თავში არასდროს ამვარდნია, ეს თვისება ან არის ადამიანში, ან – არა. თუკი თავში გივარდება, და ეს არ ვიცი, რას ნიშნავს, ალბათ, არ ხარ ნამდვილი მუსიკოსი. ალბათ, კი, ვარ მაგარი ტიპი, 19 წლის ასაკში ამდენი რამ რომ გავაკეთე, მაგრამ ისმის კითხვა? რამდენი? ჩემხელა მოცარტს სიმფონიები ჰქონდა დაწერილი. ის, რაც გავაკეთე, მხოლოდ ჩემთვის არ არის კარგი, არამედ ჩემი ქვეყნისთვის და ამის მისაკუთრებას არ ვაპირებ. ყველაზე დიდი ეგოისტი ვიქნები, თუკი ვიტყვი, რომ ჩემი წარმატება მხოლოდ ჩემია და მხოლოდ მე მეკუთვნის. ის ეკუთვნის ყველა იმ ადამიანს, ვინც მე რამე გამიკეთა ცხოვრებაში.

რაც შეეხება მიწაზე დანარცხებას, როგორც კი ამის შემეშინდება, ე.ი. დიდი ხნის დანარცხებული ვარ. დანარცხება რაღაცის ამოწურვასა და გაჩერებასთან ასოცირდება და ამისი არ მეშინია. ყველაფერი შესაძლებელია მოხდეს, მაგრამ ამის უფლებას არავის მივცემ, არც ჩემ თავს…

ვიცი, რომ შეყვარებული ხარ. გეხმარება კონცენტრირებაში თუ ყურადღებას გართმევს?

ძალიან მეხმარება. სიყვარული არის ძალიან დიდი სტიმული ზოგადად, ცხოვრებაში და განსაკუთრებით, მუსიკაში. მით უმეტეს, თუკი გვერდზე გყავს ისეთი ადამიანი, როგორიც მე მყავს (იღიმის), ანა. ყველანაირ კომფორტს მიქმნის. ყველაზე ძალიან ის უხარია, როცა ვმეცადინეობ, რასაკვირველია, ჩვენი ერთად ყოფნის მერე (იღიმის). სიყვარული, ეს გრძნობა, უდიდესი ბედნიერებაა და ის ერთ-ერთი მთავარი რამეა მუსიკაში…

ბოლოს, მინდა გკითხო, რა სიახლეები გაქვს?

სიახლეა ტური, 6 მარტს ვიწყებთ დაახლოებით ერთთვიან ტურნეს. სიახლეა ისიც, რომ სტენლი კლარკთან ერთად დისკს ვწერთ, რომელსაც დიდი ალბათობით, მომავალ წელს “გრემიზე“ წარვადგენთ. ვნახოთ, გავალთ თუ არა. ძალიან მინდა ჩემი პროექტის მეორე ნაწილიც ჩავწერო და ასევე ჩემი ტრიოს ალბომის გამოცემაც მსურს.

რაც შეეხება კონცერტს საქართველოში, შესაძლოა, ქართველ მსმენელს ერთ თვეში შევხვდე. მინდა, საქველმოქმედო კონცერტი გავმართო კოტე ზარნაძის დასახმარებლად, ჩემი ძმის მეგობარია. ძალიან მინდა, რომ დავეხმარო…

ნინო მურღულია

სიახლეები/

|

March 7, 2016 / 1:34 pm

საკვანძო სიტყვები

TOP სიახლეები

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

„მადლობა, Georgia, you were amazing!”- ვაიქლეფ ჟანი ქართველი მელომანებით აღფრთოვანებული დარჩა

უიტნი ჰიუსტონი, ჯგუფი “Destiny’s child” და კიდევ არაერთი ვარსკვლავი, რომელთანაც უთანამშრომლია –  ბათუმის ჯაზფესტივალის რიგით მე-3 დღის სტუმარი ვაიქლეფ ჟანი იყო.  გუშინ საღამოს ბათუმის კორტების სცენაზე საოცარი ზეიმი შედგა. სცენაზე გაჯაზება ვაიქლეფმა მაშინ დაიწყო, როდესაც ქართული „მრავალჟამიერი“ გაარემიქსა და ამით მან პირველი მუხტი მოიტანა, რომელიც კონცერტის ბოლომდე არ განელებულა. პირველი კულმინაცია მაშინ იყო, როდესაც ვარსკვლავმა […]

ტრომბონ შორთის დანთებული ცეცხლი სცენაზე და რამდენიმესაათიანი ლოდინი ერიკა ბადუს კონცერტამდე – ჯაზფესტივალის მე-2 დღე

ლეგენდარული რობერტ პლანტის, „ბლექ სი არენაზე” გამართული კონცერტის შემდეგ, მელომანებმა ბათუმის ჩოგბურთის კორტებისკენ გადაინაცვლეს. 20 ივლისს მუსიკის მოყვარულების წინაშე ტრომბონ შორთი და ერიკა ბადუ წარსდგნენ, თუმცა, ეს დღე არა მხოლოდ ლეგენდარული მუსიკოსების სტუმრობით გამოირჩეოდა, არამედ იმითაც, რომ მელომანებს რამდენიმესაათიანი ლოდინი დასჭირდათ, სანამ ერიკა ბადუ დიჯეის პულტთან დადგებოდა. სანამ ერიკა ბადუს დაგვიანების ამბის შესახებ მოგიყვებით, მანამდე […]

Facebook

რეკლამა

[bsa_pro_ad_space id=1]

მსგავსი სიახლეები

ბექა გოჩიაშვილი ახალ ალბომში, რომელიც სტენლი კლარკის ბენდმა გამოსცა, მადლობას მიხეილ სააკაშვილს და ქართველ ჯარისკაცებს უხდის

ბექა გოჩიაშვილი უკვე დიდი ხანია, „გრემის“ მფლობელი მუსიკოსის, სტენლი კლარკის ბენდში უკრავს. ახლახან მათ ერთობლივი ალბომიც გამოსცეს, სადაც ბექა გოჩიაშვილმა ბევრ ადამიანს გადაუხადა მადლობა. მათ შორის არიან საქართველოს მესამე პრეზიდენტი, მიხეილ სააკაშვილი, კულტურის ყოფილი მინისტრი ნიკა რურუა და ყველა ქართველი ჯარისკაცი, რომელიც საქართველოს ემსახურება. „ჩემი მადლობა სტენლი კლარკის ბენდს, ჩიკ კორეას, ლენი უაითს, ქეით ჯარეთს, […]

ბექა გოჩიაშვილი დაქორწინდა – ვინ არის ცნობილი პიანისტის რჩეული

ჯაზპიანისტი ბექა გოჩიაშვილი დაქორწინდა. მან და მისმა შეყვარებულმა, ულამაზესმა გოგონამ, ანა ხერხეულიძემ, ხელი დღეს მოაწერეს. ამის შესახებ მუსიკოსმა სოციალურ ქსელში რამდენიმე წუთის წინ პოსტი გამოაქვეყნა და დაწერა: „დღეს განსაკუთრებული დღეა! მე და ანამ ხელი მოვაწერეთ + დედაჩემის დაბადების დღეა. მე დაქორწინებული ვარ!..“ ბექასა და ანას რამდენიმეწლიანი შეყვარებულობის პერიოდი აკავშირებთ. ანა ხშირად დაჰყვება ბექას სხვადასხვა კონცერტზე, […]

მუსიკოსი გირშელ ჯავახიშვილი გარდაიცავალა

მუსიკოსი გირშელ ჯავახიშვილი გარდაიცვალა. ის „ვანოს შოუს“ ბენდში, წლების მანძილზე უკრავდა, 2010 წელს კი კარიერა ამერიკაში გააგრძელა. გირშელ ჯავახიშვილი მძიმე სენით იყო დაავადებული. მის გარდაცვალებას სოციალურ ქსელში ქართველი მუსიკოსები ეხმაურებიან:

ბექა გოჩიაშვილმა დათუნა ლაზარიშვილთან თანამშრომლობა უკვე დაიწყო! – “დიდი ტალანტია!“

დათუნა ლაზარიშვილმა უკვე დაიწყო ბექა გოჩიაშვილთან ერთად მუშაობა. ვიდეოები, სადაც ცნობილი პიანისტი და პატარა მომღერალი რამდენიმე კომპოზიციას გადიან და ერთმანეთს მუსიკალურად ეცნობიან, დათუნას დედამ, კომპოზიტორმა მაიკო კაჭკაჭიშვილმა სოციალურ ქსელში განათავსა. ამ ვიდეოებს უკვე მოჰყვა აღფრთოვანებული კომენტარები, რომელთა შორისაა სტენლი კლარკის პიანისტის, ქამერონ გრეივსის შეფასება: "ეს ბიჭი ძალიან მაგარია!..“ და მაილს დევისი დრამერის, ლენი უაითის მოსაზრებაც: "მკვლელია! დიდი ტალანტია!..“

რეკლამა