Art-გენი 2018-ის თბილისის ტური 8-15 ივლისს გაიმართება

Art-გენი 2018-ის თბილისის ტური 8-15 ივლისს გაიმართება

Art-გენი 2018-ის თბილისის ტური თბილისის ეთნოგრაფიულ მუზეუმში 8-15 ივლისს გაიმართება.

როგორც დღეს პრესკონფერენციაზე  Art-გენის ორგანიზატორებმა განაცხადეს, წელს ფესტივალი მაყურებელს საინტერესო სიახლეებს სთავაზობს, მათ შორის იქნება, ჰიპ-ჰოპის დღე.

8 ივლისს თბილისის ტურს ნინო ქათამაძე და ჯგუფი „ინსაითი“ გახსნის“.   15 ივლისს კი ფესტივალი ნიაზ დიასამიძის და 33-ას კონცერტით დაიხურება.

წელს პირველად Art-გენ-ზე ჰიპ-ჰოპის დღე  გაიმართება. Art-გენის მაყურებელს ტრადიციულად ელოდება „სუხიშვილების“ რობი კუხიანიძის, ჯგუფ ფრანის და ჯგუფ ReGGaeon -ს  კონცერტები. ასევე უკვე მეორედ  Art-გენის სცენა დაეთმობა ჯგუფ Asea Sool-ს რომლის სიმღერის ჩანაწერიც სულ ცოტა ხნის წინ ინტერნეტ სივრცეში ჰიტად იქცა და მაყურებლის ფართო აუდიტორიის განსაკუთრებული მოწონება მოიპოვა.

ერთი კვირის განმავლობაში დღის განმავლობაში ეთნოგრაფიულ მუზეუმში წარმოდგენილი იქნება ქართული ტრადიციული რეწვის გამოფენები;  „შავფაროსნების“  საჩვენებელი შოუ და ლელობურთის თამაში. ტრადიციულად მოეწყობა  ჰამაკების და პუფების ზონა,  ასევე წარმოდგენილი იქნება ქართული სამზარეულო და სხვადასხვა ტიპის კრეატიული სივრცეები.

Art-გენი 2018-მა  სტარტი   21 ივნისს  რეგიონული ტურნეთი აიღო .  Art-გენი  წელს საქართველოს 4 რეგიონში – აჭარა, გურია, იმერეთი, ლეჩხუმი,  9 დღის განმავლობაში  მოგზაურობდა.

2004  წლიდან დღემდე ფესტივალმა Art-გენმა არაერთი ახალი ანსამბლის,  ჯგუფის და მუსიკოსის ჩამოყალიბებას და განვითარებას შეუწყო ხელი. ცოცხალი და საავტორო მუსიკის პოპულარიზაციის ფარგლებში მისი დამსახურებით, არაერთი ნიჭიერი მუსიკოსი და ბენდი გაიცნო ფართო აუდიტორიამ. ბევრი ჯგუფისთვის და მომღერლისთვის ერთგვარ ტრამპლინადაც კი იქცა . ფესტივალი წელსაც საინტერესო სიახლეებს და დებიუტანტებს სთავაზობს მაყურებელს .

ფესტივალი „Art-გენი“ 2004 წელს დაფუძნდა. ამ დროის განმავლობაში  “ფესტივალმა მთელი საქართველოს მასშტაბით, უნიკალური ეთნოგრაფიული მასალები მოიკვლია და დაარქივა. მათ შორის დაკარგვის პირას მყოფი, ბევრი უნიკალური მასალა. ფოლკლორის და თანამედროვე მუსიკის ერთ სივრცეში წარმოდგენით და სხვადასხვა ტიპის აქტივობებით Art-გენს ასევე მნიშვნელოვანი წვლილი მიუძღვის ახალგაზრდებში ფოლკლორის პოპულარიზაციის ხელშეწყობასა და რეგიონებში ფოლკლორული ანსამბლების განვითარების საქმეში. ერთ-ერთი პირველი ფესტივალი იყო, რომელმაც რეგიონულ ანსამბლებს თავისი შემოქმედების მთელი ქვეყნის მასშტაბით წარმოჩენის შესაძლებლობა მისცა და განვითარებისთვის მეტი მოტივაცია შეუქმნა.

#Artგენი2018 თბილისის პროგრამა

8 ივლისი – ნინო ქათამაძე _ „ინსაითი“

ფოლკლორი: შიდა ქართლი, გურია – ანსამბლი „იადონი“ (ოზურგეთი)

9 ივლისი – „Asea Sool”

ფოლკლორი: სამცხე-ჯავახეთი – ანსამბლი „მესხეთი“(ახალციხე)

სამეგრელო

10 ივლისი – ჰიპჰოპის დღე

ფოლკლორი: იმერეთი, აფხაზეთის დღე

11 ივლისი – რობი კუხიანიძე _ „აუთსაიდერი“

ფოლკლორი: სვანეთი – ანსამბლი „მიჟე ნარი“ (ლენტეხი. ჩოლური)

ქვემო ქართლი

✔12 ივლისი – ჯგუფი „ფრანი“

ფოლკლორი: კახეთი – ანსამბლი „პატარა კახი“ (თელავი)

პანკისის ხეობა – ანსამბლი „პანკისი“; თუშეთი

✔13 ივლისი – “სუხიშვილები”

ფოლკლორი: რაჭა – ანსამბლი „ძირიანი“

ლეჩხუმი

14 ივლისი – ჯგუფი „რეგიონი“

ფოლკლორი: აჭარა – ანსამბლი „ელესა“ (ქედა)

🎸15 ივლისი – ნიაზ დიასამიძე _33ა

ფოლკლორი: მცხეთა-მთიანეთი, ლელა თათარაიძე

თბილისის ეთნოგრაფიული მუზეუმი

სიახლეები/

|

July 9, 2018 / 2:17 pm

საკვანძო სიტყვები

TOP სიახლეები

ნანი ბრეგვაძისა და სტეფანეს ახალი კლიპი გამოვიდა (ვიდეო)

ნანი ბრეგვაძისა და სტეფანეს ახალი კლიპი სიმღერაზე „ისევ წვიმს“ (კომპოზიტორი: ვაჟა აზარაშვილი, ვერსია: ნიკოლოზ რაჭველი) გუშინ „ნანუკას შოუში“ აჩვენეს. პრემიერის შემდეგ ვიდეორგოლი სტეფანეს ოფიციალური „იუთუბის“ გევრდზე აიტვირთა. გადაღებები სამი ღის განმავლობაში მიმდინარეობდა, რეჟისორი გახლავთ ზაზა ორაშვილი. კლიპს გუშინ საღამოდან უამრავი გაზიარებ აქვს სოციალურ ქსელში. (ვიდეო)

9 აპრილისთვის „ვაჩუქოთ ერთმანეთს ტიტები“-ს ახალი ვერსია იწერება (ფოტოები)

წელს 9 აპრილის ტრაგედიიდან 30 წელი სრულდება, აღნიშნულ თარიღთან დაკავშირებით “ბრავო რექორდსში” 25 ახალგაზრდა ქართველი მომღერალი ტრაგედიისადმი მიძღვნილი სიმღერის ,,ვაჩუქოთ ერთმანეთს ტიტები” – ახალი ვერსიის ჩაწერაზე მუშაობს. 1989 წელს მორის ფოცხიშვილის ტექსტზე შექმნილი ჯემალ სეფიაშვილის სიმღერას, ქართველი მომღერლები: თამარ გვერდწითელი, ნანი ბრეგვაძე, გოგი დოლიძე, მედეა ძიძიგური, ბუბა კიკაბიძე, ეკა მამალაძე, ეკა კახიანი, ეკა კვალიაშვილი, მერაბ […]

რატი დურგლიშვილი მაკა ზამბახიძესთან ერთად კვლავ იმღერებს (ვიდეო)

რატი დურგლიშვილი და მაკა ზამბახიძე კვლავ გაერთიანდნენ და ამჯერად მაკას სოლოკონცერტზე, „დორსში“, 22 მარტს წარდგებიან მსმენელის წინაშე. დუეტი „ჯორჯია“ არ აღდგა, რადგან სოლომომღერლები ცალ-ცალკე წარმატებით აგრძელებენ კარიერას, თუმცა მაკა ზამბახიძის წინა კონცერტზე ერთად სამი სიმღერა შეასრულეს, ახლა კი მთელ სეტს დაუთმობენ საკუთარ რეპერტუარს ბენდ „ნონსტოპთან“ ერთად. შესრულდება ის კომპოზიციები, რომლებიც „ჯორჯიას“ რეპერტუარიდან ასე ძალიან უყვარს […]

Facebook

რეკლამა

მსგავსი სიახლეები

Art-გენი თბილისის ეთნოგრაფიულ მუზეუმში 8-15 ივლისს გაიმართება

Art-გენი 2018-ის თბილისის ტური თბილისის ეთნოგრაფიულ მუზეუმში 8-15 ივლისს გაიმართება. წელს ფესტივალი მაყურებელს საინტერესო სიახლეებს სთავაზობს, მათ შორის იქნება ჰიპ-ჰოპის დღე. ერთი კვირა დღის განმავლობაში ეთნოგრაფიულ მუზეუმში წარმოდგენილი იქნება ქართული ტრადიციული რეწვის გამოფენები. ტრადიციულად მოეწყობა  ჰამაკების და პუფების ზონა,  ასევე წარმოდგენილი იქნება ქართული სამზარეულო და სხვადასხვა ტიპის კრეატიული სივრცეები. Art-გენი2018 თბილისის პროგრამა: 8 ივლისი – […]

რეკლამა