აჩი ფურცელაძე რუსეთიდან საქართველოში დაბრუნდა: „ჩემდა სამწუხაროდ, აქ დეგრადაციაა…“

0
1597

აჩი ფურცელაძე საქართველოში დაბრუნდა. მართალია, რუსეთშიც დადის, როცა შეკვეთები აქვს, მაგრამ ძირითად დროს თბილისში ატარებს. ახლახან რადიო „ფორტუნაში“ ახალი სიმღერის „იმედის წელი“ პრემიერა შედგა. აჩის ბევრ თემაზე დავუსვით კითხვა.

აჩი ფურცელაძე:

ახალი სიმღერის ტექსტიც და მელოდიაც მე მეკუთვნის. მისი სახელწოდებაა „იმედის წელი“. არანჟირების ავტორია ჩემი მეგობარი, დიმკა თეიმურაზოვი. მიხარია, რომ ამ სიმღერით ვბრუნდები ქართულ რეალობაში. გასაგებია, რომ რუსეთში ახალი ქართული სიმღერები არავის სჭირდება, თუკი „მგზავრებს“ არ ჩავთვლით, რომლებიც ქართულად მღერიან იქაც, ამიტომაც ძირითადად, იქ ცხოვრებისას რუსულად ვმღეროდი.

ექვსი თვის წინ ჩამოვედი საქართველოში, რუსეთშიც ამოვვარდი კალაპოტიდან და აქაც ჯერ ვერ ჩავჯექი. კიდევ ერთ ახალ სიმღერას შემოგთავაზებთ, ქართულენოვანს, თბილისზე. თავად დავწერე, ლექსი დათო ევგენიძეს ეკუთვნის. ვფიქრობ, უკვე მაგარი ტანდემია, ევგენიუსაა (იღიმის). უახლოეს პერიოდში ჩავწერ და კლიპსაც გადავიღებ. არანჟირება მზადაა და ისიც დიმკა თეიმურაზოვს ეკუთვნის. თუ გახსოვთ მისი ნათქვამი „თბილი-სი“, ვთხოვე, კიდევ დაემატებინა კუპლეტები, ჩემზეა, მე რომ ვბრუნდები თბილისში და რომ მომენატრა…

სამ იანვრამდე თბილისში ვარ, შემდეგ თურქეთში გავემგზავრები ერთი კვირით დასასვენებლად, ისევ დავბრუნდები თბილისში, მერე კი მოსკოვში მელოდებიან, გადაღებებია, ელენა ვაენგასთან ერთად სიმღერა ჩავწერე.

ძალიან მინდა რადიო „ფორტუნაზე“ გადაცემის გაკეთება, საინტერესო პროგრამის. იმედია, უარს არ მეტყვიან (იღიმის). იხ. სრულად

LEAVE A REPLY

Please enter your comment!
Please enter your name here