აბიტურიენტის დედა გამოცდებზე შექმნილ გაუსაძლის პირობებზე წერს – „კი, ეს წამებაა!..“

აბიტურიენტის დედა გამოცდებზე შექმნილ გაუსაძლის პირობებზე წერს – „კი, ეს წამებაა!..“

„ფეისბუქ“-მომხმარებელი კირა კიწმარიშვილი წერს იმ გაუსაძლისი სიცხის შესახებ, სადაც ოთხი საათის განმავლობაში აბიტურიენტებს უწევდათ ყოფბა მისაღები გამოცდების დასაწერად.

კირა აღნიშნავს:

„გუშინ დავწერე და არავის მიუქცევია ყურადღება. იურისტების აზრი მაინტერესებს და ეგებ გამარკვიოთ:

არის თუ არა წამება პაპანაქება ზაფხულში ბავშვების უწყლოდ დატოვება? მაშინ, როცა ჯანდაცვის სამინისტრო ინსტრუქციებს გვაძლევს, როგორ გადავურჩეთ ამ კატასტროფულ სიცხეს, პატივცემული გამოცდების ეროვნული ცენტრი აბიტურიენტებს უკონდიციონერო სივრცეში ამწყვდევს (სხვა სახელი არ ჰქვია) 4 საათით, 500 გრ. წყლით(!). რამდენიმე ბავშვი რომ დავინახე 1-ლიტრიანი ბოთლებით, ვიფიქრე, გადახედეს თავის “ჰუმანურ” მიდგომას-მეთქი, მაგრამ შევცდი – ამ ბავშვებითვის ეს ბოთლები ჩამოურთმევიათ (!) და სულ უწყლოდ დაუტოვებიათ.

გამოცდა რომ ისედაც სტრესია, ეს არ ახსოვთ ამ ფაშისტებს, ალბათ. თან გაუსაძლისად ცხელა, თან წყალი არ გაქვს საკმარისად… გგონიათ, სულ ესაა? არც პასტები წერს –

რაღაც გაუგებარი ტუშის პასტაა, რომელიც ან თხაპნის, ან საერთოდ არ ტოვებს კვალს პრიალა ზედაპირის მქონე ფურცელზე (თაბახი მაინც იყოს!), და ასმაგი ძალისმევა გჭირდება, რომ დაწერო. გამოცდის ნაწილი კომპიუტერთან ბარდება, ჰოდა, აქაც „თავის სიმაღლეზეა“ ყველაფერი – სისტემაც ჭედავს. სხვის მოყოლილს არ ვამბობ, რაც ჩემს შვილს გადახდა დღეს, იმას ვწერ: 6-ჯერ(!) შეაცვლევინა პასტა და მაინც არაა დარწმუნებული, რომ გამსწორებელი შეძლებს ნორმალურად დაინახოს, რა უწერია. + სისტემამ გაუჭედა და ნახევარი საათი იმას ელოდა, IT როდის მოვიდოდა და გაუწორებდა კომპს.

აი, ახლა გამაგებინეთ – არის თუ არა ეს მავნებლობა, მასხრად აგდება და წამება??

იმ აბიტურიენტების დედები თუ ამოიღებენ ნეტა ხმას, ვისაც წყლის ლიტრიანი ბოთლები ჩამოართვეს? მე სასამართლოში ვუჩივლებდი. და ნორმალური ქვეყანა რომ იყოს – მოვუგებდი.

კი, ეს წამებაა“.

სიახლეები/

|

July 4, 2017 / 1:48 pm

საკვანძო სიტყვები

TOP სიახლეები

Beth Hart მასთან ერთად სამღერლად ნინა სუბლატს ეპატიჟება (ვიდეო)

Beth Hart თბილისშია. ის თავის ჯგუფთან ერთად ჩამოფრინდა საქართველოში კონცერტის გასამართად. ბეტ ჰარტი „ალტერვიჟენ ჯგუფმა“ მოიწვია. კონცერტი 18 ნოემბერს იპოდრომის პარკშია დაგეგმილი. ბეტ ჰარტმა აეროპორტიდან თაყვანისმცემლებისადმი მიმართვა ჩაწერა, სადაც აღნიშნავს, რომ ძალიან უნდა, იმ გოგონასთან ერთად, რომელმაც მისი სიმღერა „Am I The One“ შოუში შეასრულა და ის მოიგო, თავადაც იმღეროს ხვალინდელ კონცერტზე. როგორც მივხვდით, საუბარი […]

42 წლის თინა კანდელაკის ფორმაში ყოფნის საიდუმლო – „არანაირი ვარჯიში და დიეტა არ გიშველით, თუკი…“

42 წლის თინა კანდელაკი შესანიშნავ ფორმაშია და სხეულის დემონსტრირებას „ინსტაგრამის“ პირად გვერდზე არ ერიდება. ტელეწამყვანი ძალიან აქტიურად ვარჯიშობს და თავის მოვლაც არ ესწავლება, თუმცა, გვარწმუნებს, რომ მისი რეცეპტი მაინც განსხვავებულია და აღნიშნავს: „მეგობრებო, არანაირი სპორტი და დიეტა არ გიშველით, თუკი ალკოჰოლს მოიხმართ. ალკოჰოლი არის ბოროტება. ამ შაბათს ეროვნულ ვარჯიშს გამოვტოვებ, თქვენ ივარჯიშეთ მანდ, ჩემ მაგივრად, […]

სოფო ნიჟარაძე უცხოური მუსიკალური კონკურსის გამარჯვებულია „საუკეთესო ქართული პერფორმანსისთვის“

სოფო ნიჟარაძე „Daf Bama Music Awards“-ის ერთ-ერთი გამარჯვებული გახდა. უცხოური მუსიკალური კონკურსი, რომელიც სხვადასხვა ქვეყნის მუსიკალური სამყაროს წარმომადგენლებს მასპინძლობს და მათ შორის საუკეთესოებს გამოარჩევს, წელიწადში ერთხელ ჰამბურგში იმართება. დასკვნითი შოუ დღეს, 17 ნოემბერსაა დაგეგმილი. სოფო ნიჟარაძე უკვე გერმანიაშია, სადაც მას კონკურსის ორგანიზატორები ვარდებითა და ლიმუზინით დახვდნენ. დღეს სოფო გალაკონცერტის ერთ-ერთი მონაწილე იქნება და სიმღერას შეასრულებს. […]

Facebook

რეკლამა

რეკლამა